2015年8月6日 星期四

58歲張國強 保養由內到外 [壹週刊 - 1326] 張國強,M1,



阿媽教落,坐要正,企要直!張國強正確示範之餘,仲知道後頸凍親好易病,好識養生。

同你吟一吟

58歲張國強 保養由內到外

之前重播《大時代》,年過半百嘅林俊賢、邵仲衡俾人激讚比後生時期更加型英帥,捧到上天。無可否認,襟老呢樣嘢,男人的確贏晒,只要稍為注意吓,五、六十歲,都唔會太皺。六十五歲劉松仁係最佳示範外,其實仲有過兩年就六張嘅張國強。

球員出身,張國強習慣保持運動,年前剝衫拍健康品廣告,一格格,勝過唔少後生。早個禮拜,《壹》仔喺又一城撞見佢同個大台同事,坐低喺 Starbucks飲咖啡傾偈, T恤短褲隨身仲有個大袋,一副做完運動 look;商場冷氣大,坐到直一直嘅張國強用頸巾圍頸,因為運動後毛孔擴張,好易中招。

保養功夫,由內到外都照顧到, 58歲張國強,一啲都唔求其。

58歲張國強鍾意耐力鍛鍊,唔會谷到一嚿嚿!

個 body可以 keep,但年紀大咗,器官點都會退化,揀嘢飲都要戴番副眼鏡。

撰文︰八珍

nextb@nextmedia.com

鍾意就快D Share啦!