網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月5日 星期三

真人演出 出屎橋擺 3角戀上枱 大台夾鍾嘉欣戀伍允龍 [FACE - 428] 嘉欣,伍允龍,鍾嘉欣,MF,



上年《天師鬥殭屍》首映,戲中伍允龍做男二,嘉欣 BB高調撐場,仲上台同男友合照,唔怪得大台諗到呢條緋聞救收視嘅屎橋啦。《蘋果日報》圖片

真面目

真人演出 出屎橋擺 3角戀上枱 大台夾鍾嘉欣戀伍允龍

連不死子珊都話離巢,大台拍套劇都分分鐘唔夠人,搵鬼睇咩?但膠劇 must go on,又被班充滿「創意」嘅極高層諗到橋,就係搵緋聞情侶拍劇。今次做白老鼠係鍾嘉欣,搵佢拍拖多年男友伍允龍入嚟,再拍傳過緋聞嘅陳展鵬,大玩三角戀,希望由開機到播映前都炒得起新聞,咁收視咪升囉。

雖然大台搵王晶出力游說伍允龍,不過一向將感情事低調嘅鍾嘉欣好似唔多想,到家下都未答應。喺囉!小心連嘉欣 BB都走埋呀!







13年嘉欣同陳展鵬拍《巨輪》,劇中二人做情侶當然傳出緋聞,當事人梗係否應啦。

31歲鍾嘉欣出名捱得聽話,當年拍劇拍到成面瘡都唔敢請病假就知啦,最近同黃宗澤忙拍《警犬巴打》,仲有兩個月先拍完,不過大台已諗定搵佢 8月尾踩多套《城寨英雄》,本來同一時間開兩套劇,嘉欣 BB都冇所謂,但佢最唔開心,就係大台要佢同拍拖 8年嘅男朋友伍允龍飾演情侶,再加埋傅過緋聞嘅陳展鵬炒宣傳。

王君馨隨時頂上

大台劇近年收視插水又帶動唔到煲劇潮,極高層當然要俾啲創意啦,就係諗到用緋聞炒作救收視,呢招老時常出現, 09年就用鄭嘉穎、佘詩曼呢對過氣情侶拍《宮心計》,當年由拍攝到播出都 keep住有人氣,諗住呢次舊招重用,可惜嘉欣 BB一聽個陣容就知公司想點。

一向將感情事低調,唔想被擺上枱,一向唔「托手踭」嘅嘉欣 BB第一次話諗下先;大台亦有兩手準備,萬一嘉欣 BB唔拍,就搵女二王君馨頂上。至於嘉欣男友伍允龍,原本喺電影做武指上緊位,但因為大台搵晶哥開口,恩師叫到冇得扭計。

伍允龍成日被人當奀星,但其實喺電影當武指都好出名,近年幕前亦上位,上年套《惡戰》仲做男一,戲中爆肌勁好打。網上圖片

大台搵王晶做說客

伍允龍原本想繼續做電影,但大台搵晶哥開聲,伍允龍惟有答應。《蘋果日報》圖片

嘉欣 BB現忙拍《警犬巴打》要到九月先完,大台原本想佢同時開《城寨英雄》,但嘉欣好似唔多肯喎。網上圖片

新劇《城寨英雄》監製為文偉鴻,近年幾套作品《使徒行者》《 My盛 lady》收得又有 noise,今次新劇大台落重本俾佢。網上圖片

鍾嘉欣對感情一向低調,雖然眾所周知男朋友係伍允龍,但極少拍住拖出現,上年生日先喺微博流出一張生日照,仲要係一大班人合照。

如果嘉欣扭計唔拍,大台諗住搵原本女二嘅王君馨頂上,雖然卡士就差少少囉。網上圖片

女三就係劉佩玥,《 4個女仔 3個 BAR》彈起,劉佩玥劇接劇,拍完《實習天使》即開工。網上圖片

小生個個走,輪到袁偉豪上位,喺新劇《城寨英雄》做男二,但戲份都唔少過伍允龍㗎。網上圖片

外援多老將

當大台要搵到未拍過劇嘅伍允龍嚟幫手,就知大台小生荒幾嚴重啦,就算搵番嚟拍嘅都係 45過後嘅大叔,無論男一、甘草都冇人,唔緊要,因為一台獨大,求其畫面有人出現,廣告費一樣照收。

黃秋生  53歲

今年台慶劇《裊雄》由黃秋生孭重飛,連同劇嘅黎耀祥都要坐歪,大台唔會畀埋個視帝佢啩?

湯鎮業  56歲

《裊雄》秋生做男一,男二就係湯鎮業,但佢大陸業務多,應該拍一套就算

錢小豪  52歲

早前播完嘅《潮拜武當》,劇中拍楊怡,二人相差 17年,唔係好多啫!

吳岱融  56歲

當年做花無缺嘅吳岱融上年回巢,今年就拍咗《刀下留人》做大奸角。

陳嘉輝  54歲

老婆梁小冰靠《導火新聞線》彈番起,不過陳嘉輝就上年簽番無綫做茄居多,現忙拍《警犬巴打》做甘草。

鍾意就快D Share啦!