最新圖片
一身高貴行政 look的陳文媛，比以前略為發福，腳亦粗咗少少，不過 35歲依然又白又滑，算唔錯
真面目
新碼頭 甩 9年舊愛 陳文媛黐前度老細買杏花邨
08年淫照事件眨眼過了 7年，陳冠希繼續 like fun周圍撩女，一班「希女郎」則回歸平靜生活。
當年陳文媛（ BoBo）有金融才俊男友金紫耀照顧，獲打本 100萬開美甲店做老闆娘，可惜生意唔掂，蝕足 4年終於捱唔住， 13年執笠收場。最慘係有傳金紫耀早前狠撇 BoBo，被影到同新女撐枱腳，又搬離嘉亨灣同居愛巢，擺明唔再留戀。
唔係第一次被仔飛， 35歲 BoBo今次有晒準備，一早碼實前男友個富豪老闆莊友堅，現時在對方旗下公司做投資，上年更有能力買 5百幾萬杏花邨單位。識黐，一定係黐個最大嘅！
有消息指陳文媛同拍拖 10年的有米男友金紫耀分手，男方迅即搬離同居竇，更換新車溝新女；而 BoBo都唔弱，被飛後隨即黐實金紫耀前老闆、股壇猛人莊友堅。
同于文鳳 friend咗
有傳金紫耀早前仍效力莊友堅時，有交易蝕大錢，與公司炒大鑊後劈炮唔撈，不歡而散。但 BoBo冇理咁多，照樣黐住莊友堅，現時獲對方安排於旗下投資公司做高層，乜都唔識都可以高薪厚職，前排仲換埋全新開蓬 Benz，相當富貴。
週一（ 3日），本刊發現 BoBo現身北角，一身行政 look與大老闆莊友堅食 lunch，同行更有周星馳前女友于文鳳。一行多人分兩架七人車前往銅鑼灣富豪酒店開餐，食了近一個鐘才全體離開。
530萬買細單位
雖然冇做幕前多年， BoBo依然眼利，落樓時立即發現記者，多次嘗試搵同事做掩護避開鏡頭，任何問題都唔答，上到車仲拉低窗簾，表現閃縮；反而見慣大場面的莊友堅則從容面對記者，「我退咗休好多年喇，（公司）交畀我細佬！」
泊到大碼頭的 BoBo，上年 7月以 530萬買入杏花邨一個 556呎細單位，雖然唔係豪宅，但近年冇收入、美甲店又蝕錢收場都有能力自置物業，足見 BoBo衣食住行都唔成問題
齊齊有新聞
7年前一批淫照轟動香港，男主角陳冠希宣布退出娛樂圈，一班女主角則龜縮潛水，不過事隔 7年，除了 Rachel顏穎思上年已同男友結婚，其餘主角現時仍然單身未有着落！咁啱得咁蹺， Edison、阿嬌同栢芝上週突然同時有新聞出街，估唔到咁多年後仲咁有默契喎！
陳冠希 兇記者
希哥近年靠登台搵食都賺唔少，同台灣妹 Ann甩拖後，大把精力周圍溝女，前排被人爆佢網撩索女，仲留言「 U seem like fun」， cheap爆開場白被網民強力恥笑！最近又同內地狗仔隊發生衝突，兇記者片段被放上網，真係本性難移！
阿嬌 抽 Juno水
Juno同謝安琪首〈羅生門〉 hit爆，有傳 Juno係放唔低阿嬌所以有感而發，當然阿嬌例牌唔認係女主角，不過上週突然 po〈念念不忘〉歌詞上微博！唔想有緋聞又要抽水，想點先？
|
鍾意就快D Share啦！
|
|
|