陳庭欣雙線出擊姣上位
無綫取得明年巴西里約熱內盧奧運獨家播映權，為配合大型宣傳，秘密打造索女組合「U20」成奧運Angel。擁有C Cup蜜桃胸的前港姐冠軍陳庭欣（Toby）被欽點上陣，與《超強選擇1分鐘》的七位新咪神加入戰團。Toby求上位，揚言不介意演姣精角色，已有深長事業線的她更狂操馬甲線，希望打造完美Body！
昨日最新一期《好報》獨家披露，無綫花旦最近賣少見少，繼外傳胡杏兒、徐子珊將相繼離巢，林夏薇又嫁人，苟芸慧亦中了「不瘦降」戰鬥力大減，只得鍾嘉欣、黃翠如和一班新紮港姐陳凱琳、蔡思貝等支撐局面。高層余詠珊有見無綫擁巴西奧運獨家播映權的優勢，配合宣傳不容有失，適逢近期多位新紮咪神如張秀文、陳婉衡、陳偉琪等成功迷倒宅男，無綫食住條水籌備捧女大計，年底舉行招募，除內部揀蟀，亦會在海外招攬索女，組成全新組合「U20」，她們將被安排到日本、韓國等地受訓，成為「睇得、talk得、跳得」的奧運Angel。前港姐冠軍陳庭欣（Toby）更被高層欽點加入「U20」，帶領一班新咪神打頭陣谷勢。
演單親媽媽挑戰演技
擁有C Cup蜜桃胸的Toby被欽點入「U20」，近日積極操弗的她接受本報水着專訪時稱：「希望可做奧運Angel，我會惡補一吓體育知識。」雖然她穩坐奧運Angel，但演戲方面仍有待突出角色。面對一眾港姐師妹陳凱琳、蔡思貝等相繼上位，她明顯着急，坦言不介意演「姣精」求突破：「我入行五年喇！見到師妹有咁多機會，我要急起直追，最近見到《鬼同你OT》楊秀惠做一個姣嘅角色有咁多回響，真係幾羨慕，其實我唔介意做姣精！（唔怕影響形象？）演戲嘛，有noise仲好，要演另類角色先可以突圍。」雖然想演姣精，但監製最新指派Toby演以內心戲為主的單親媽媽，她說：「監製剛搵我接新角色演單親媽媽，係新嘗試。（奧運節目要準備啲乜？）我諗要先操弗副body先，我要定下目標操出馬甲線，以完美body做奧運Angel。」
陳婉衡：胸大未必係靚
與Toby同屆的前港姐張秀文對被力捧為奧運大使感受寵若驚：「聽到公司用咁多資源去做奧運，如果被選中開心啦，奧運大使喎，全台藝員都有興趣做啦。」
而最強咪神陳婉衡亦稱會全力以赴：「之前做慣主持，喺《一分鐘》又學到好多現場騷嘅技巧，相信會有優勢。（身材都係優勢？）自己唔覺得係咩特別，我覺得胸大未必係靚，反而想練結實身形，希望夏天完結之前可以練到馬甲線。」
文：影視組
|
鍾意就快D Share啦！
|
|
|