【太陽報專訊】伍詠薇偕陳敏之姊妹檔性感殺入無綫節目《今晚睇李》「搗亂」，敏之更大爆伍詠薇閨房「密事」指她作風大膽！伍詠薇亦自認Open，反嘲敏之是「悶棍一條」。
文：影視組
伍詠薇（伍姑娘）和陳敏之前晚獲邀到將軍澳電視城，擔任由李思捷主持的無綫節目《今晚睇李》嘉賓，她們更中門大開騷性感，伍姑娘自稱「伍薇娘」為自己打格仔遮掩，令同場的單立文不禁笑說：「你兩個着到咁上我個節目，成何體統？」
老公欠激情
敏之受訪時笑言，今次和伍姑娘是以人妻身份上節目搗亂，更透露會大爆伍姑娘的閨房「密事」：「佢個人比較大膽，思想好開放，我都要請教佢，真係好犀利！（例子？）全部都出唔到街！如果佢開個節目講呢啲嘢，個收視一定高！」但敏之表示未敢學以致用，直認從拍拖到結婚，相處十載的丈夫欠缺激情。
圍埋講「甜古」
而伍姑娘亦早已看透敏之夫妻相處之道，她說：「陳敏之同佢個身形一樣，係悶棍一條！佢哋由拍拖到結婚，我就贈佢哋四個字『細水長流』。敏之呢個妻子內外都保守，不過都係一個賢內助。（你呢？）我就外表Open，內裏都有少少Open雖然我有經驗，但我唔會指導人，如果太多人學識，呢個社會會變得好壞！」她更不諱言直認喜歡與男士大談有味笑話，認真豪邁！
|
鍾意就快D Share啦！
|
|
|