羅霖成變態狂迷洩慾對象
50歲「美魔女」羅霖（Candy）早前推出寫真後聲名大噪，成為世界各地的新聞人物，風頭一時無兩！雖然名利雙收，同時卻有不少煩惱，羅霖遭不少狂迷露骨示愛，例如在社交網站邀請她上床，自爆曾對着其寫真自慰，更有人任開價邀請她赴「飯局」，她統統一笑置之！文：名人組
羅霖早前以50歲之齡推出性感寫真，成為全球熱話！
羅霖已是3子之母仍保養得宜，風靡全球男性！
面對狂迷變態示愛，羅霖選擇一笑置之。
羅霖在今年書展成為寫真女王，雖然年屆50歲又是三子之母，但她依然保養得宜，樣靚身材正，擊敗一眾嫩模，當中英國、墨西哥、日本及泰國等地的傳媒都有報道其新聞，認真巴閉！
收飯局邀請任開價
Candy寫真大賣兼人氣急升，同時風靡不同國籍的Fans瘋狂示愛，部分更極為大膽露骨兼變態，她說：「好多粉絲喺社交網站上示愛，唔同國籍都有，大部分話好鍾意我，當中有啲露骨說話，例如『唔介意年紀，想同你上床』、有啲又話買咗我本寫真對住嚟自慰，仲有人話如果做我個仔就發達，可以成日攬住我，想同我發展母子戀！我全部冇覆，全部舉報晒同封鎖晒佢哋！（會唔會報警？）唔會，反正佢哋接觸唔到我，總之唔覆佢哋就得。」她又自爆早年互聯網尚未發達時，亦曾收到變態粉絲寄來的信件：「打開個信封，裏面係啲毛，都幾得人驚！」
Candy指不少人認為她已為人母仍保養得宜，因而多了幻想，她說：「有時出活動，都有人行埋嚟問可唔可以活動完同我食餐飯？不過佢哋冇惡意，好有禮貌，我笑一笑就行開囉！」問到曾否被人「問價」？她說：「好多人叫我開個價，話想同我見吓面，我當然冇理。」她又指不乏真心支持她的人，除了鼓勵她要努力外，又大讚其故事正面：「啲人讚我散發好多正能量，其實呢個就係我出寫真嘅最大目的！總之女人不論咩年紀，都可以做自己想做嘅事，即使遇到逆境都咪放棄，夢想一定可以實現！」
計劃買千呎單位
Candy工作接踵而來，收入增加不少，一直租屋住的她有意置業，但昨日有指樓市創新高，令她急急打退堂鼓！她希望與母親及三名兒子同居，最少要有1,000呎單位才有充足空間，以現時樓價來算，估價要花費逾千萬買樓，難怪她笑言要加倍努力工作！
羅霖早前以50歲之齡推出性感寫真，成為全球熱話！
羅霖已是3子之母仍保養得宜，風靡全球男性！
面對狂迷變態示愛，羅霖選擇一笑置之。
|
鍾意就快D Share啦！
|
|
|
