全城熱爆的娛樂八封新聞 & 時事趣聞 & 生活 + 趣聞
拍劇拍廣告又同老公一齊做內地真人騷，今年開工踩足八個月嘅袁詠儀，終於可以停一停回氣。靚靚同胡杏兒合作內地劇《領養》已經關機，囝囝放緊暑假， Chilam於是帶埋魔童飛上北京 hea幾日，順便接老婆返香港。
一家三口，兩車行李，仲要有大袋 Hermes戰利品！生意難做，喺內地有唔少大品牌都自動自覺將價錢下調咗兩至三成，平咁多，賺人仔嘅 Chilam同靚靚，當然睇啱就買，只係要 hand carry上機，煩少少咁啫！
由北京返港當晚，魔童坐喺車行李上俾老豆推住出閘，去到入境大堂見到記者，袁詠儀唔想囝囝上鏡，吩咐魔童戴帽遮樣。
而家大陸買名牌隨時平過香港， Chilam喺北京 Hermes都有收穫，貴嘢梗係 hand carry唔寄艙啦。
兩公婆一人推一車，戴帽仲要耷低頭嘅魔童跟住媽咪行去停車場。
連踩八個月嘅袁詠儀，拍完劇返港，一家人第一時間出埠玩咗轉，上個禮拜，又帶埋魔童去 Times Square買波鞋，靚靚媽亦有同行。
撰文：八珍nextplus.nextmedia.com
