熱爆娛樂: 蔣怡兩歲女　天生模 B [壹週刊

2015年8月20日星期四

見到大大隻 Jelly Belly，擒上去就 kiss kiss。

以前話三歲定八十，名模蔣怡同珠寶首飾設計師老公個模 B女，兩歲已經得！

結婚生女後，專登走去英國讀咗半年廚藝課程，做個出色煮飯婆嘅蔣怡，早排湊住囡囡 Uma（翁容）去 Elements接老公翁狄森收工，醒目媽咪一早約好喺商場為暑假特設嘅糖果迷宮見，等囡囡玩住等。

兩歲嘅翁容，自己行又手仔指指要媽咪聽佢話。

蔣怡老公翁狄森攞住手機，幫兩母女同 Macarons塔影相，得意嘅翁容跟住媽咪扮咬，有樣學樣。

話咁快，蔣怡老公已經出現，廿四孝老豆第一時間攞手機幫兩母女同 Jelly Belly合照，兩歲模 B女天生識擺 pose，唔使教唔使氹！

有辦你睇！蔣怡就生咗個潛質模 B，八珍忽發奇想，十月擺喜酒嘅 Angelababy同黃曉明，將來個 B會係似老豆定阿媽呢？又或者，兩個都唔似！

九個月肚影裸照，名模出身的蔣怡，臨生得都咁 fit。

一三年蔣怡同設計師翁狄森到南非 Kruger國家公園結婚，當時囡囡翁容已在媽咪肚內四個月。

見到老豆，俾媽咪抱住嘅翁容笑得好開心。

鍾意就快D Share啦！