| 側田玩即興，深夜時份於銅鑼灣街頭獻聲。 | next 1/1 pre |
 | |
| 現場還有泥鯭（左）、林二汶（左2）。 | next 1/1 pre |
 | |
| 有居民投訴聲浪太大，未幾有警員到場了解。 | next 1/1 pre |
 | |
| 之後轉戰時代廣場，現場勁多人。 | next 1/1 pre |
 | |
| 側田愈唱愈high。 | next 1/1 pre |
 | |
| 側田話香港應該多啲街頭表演。 | next 1/1 pre |
歌手側田早前才完成演唱會，近日難得空閒的他，於凌晨約十二時，與相識大半年的長髮女友往銅鑼灣行街拍拖，戴帽的側田沿途引來不少途人目光，但他沒理會，繼續與女友邊行邊談情，期間兩人路過利園山道，見林二汶、樂隊Mr.鼓手Tom及RubberBand成員泥鯭等人於街頭表演，歌癮大發的側田即興加入，與林二汶合唱。
現場見側田拿起結他又彈又唱，女友則站於一旁打氣，側田唱了三首歌，他唱完一首英文歌，又唱國語歌《愛我別走》以及《半斤八両》，引來過百途人駐足欣賞。側田唱到中途，因聲浪過大遭附近居民投訴，未幾有警員到場了解，側田見狀即停唱，與女友站於街角暫避，此時有不少歌迷要求合照，他都有求必應，更與他們閒聊。
愈唱愈High
仍未唱夠的側田可謂出師不利，眾人被「冚檔」後為免再遭投訴，只好走鬼轉移陣地，往時代廣場的露天位置，加入另一隊原本正在表演的樂隊齊齊夾Band，期間側田情緒高漲，不停以木箱作敲擊樂獻技及玩搖鼓，獲得不少觀眾的掌聲。
事後側田受訪，提及女友陪他於街頭獻唱，他避而不答，只說：「我都係路過，多謝佢哋邀請我一齊表演。見成大班人唱得咁開心，咪加入一齊玩，外國好多呢類街頭表演，香港都應該多啲。」
街頭表演零酬勞
同場的林二汶，接受《東網》電話訪問時表示：「街頭表演係成班人即興，我就夜晚10點幾過去。（聲浪太大被投訴，有警察到場？）因為有啲時間可能太嘈，影響到附近居民，所以下次會提早啲唱。」問眾人作街頭表演，觀眾有否給予酬勞？她笑言：「見好多街頭賣唱嘅人擺個錢盒喺度，好多觀眾都會畀錢，但我哋冇擺盒，所以全晚冇人畀錢。」
|
鍾意就快D Share啦！
|
|
|