| 謝安琪（左上圖）、王宗堯（右上圖）、魯芬（左下圖）、欣宜，齊齊落水「獻身」支持「新世界維港游」。 | next 1/1 pre |
 | |
| 謝安琪穿上印有人體彩繪圖案的緊身衣落水拍攝，由於服飾漂亮兼動作優美，獲網民一致讚索爆。 | next 1/1 pre |
 | |
| 人妻Kay落水的表情雖然相當悠然自然，但她透露拍攝時相當辛苦，但為了支持這個有意義的盛事，她認為再辛苦都是值得的。 | next 1/1 pre |
 | |
| 網民激讚Kay BB長腿誘人之餘，更盛讚她仿如水中的仙花，但其實Kay為了成功功將自己沉入水底，在腰間綁了不少鉛塊。 | next 1/1 pre |
 | |
| 咁靚嘅相，當然值得多角度一再回味。 | next 1/1 pre |
 | |
| 欣宜呢張相，完美演繹「正能量」三個字。 | next 1/1 pre |
 | |
| 網民激讚欣宜落水前後都咁索。 | next 1/1 pre |
 | |
| 證明就算沒有高踭鞋及華麗的化妝，只要有正能量、有power，肥瘦都可以漂亮。 | next 1/1 pre |
 | |
| 王宗堯呼籲參加維港泳健兒要注意安全。 | next 1/1 pre |
 | |
| 魯芬BB亦叫大家要積極參與。 | next 1/1 pre |
一年一度香港泳壇盛事，「新世界維港泳2015」將於10月中舉行。為引起更多關注，主辦單位邀請來自不同界別的名人，拍攝一系列美感十足的水底宣傳照，身體力行落水為維港泳健兒打氣。
由於照片拍攝出來的效果相當唯美，旋即成為城中熱話，除了各大討論區洗版式討論事件，大讚謝安琪、鄭欣宜美得出塵脫俗外，就連城中名人，都對事件大表關注及支持。
當中香港著名的網絡繪本家爵爵及貓叔，第一時間以有趣、生動的漫畫二次創作，表達對事件的關注及致敬，在臉書上載新作之餘，更留下一句：「又一筆體現香港"make some noise"精神的傑作。」引發網民熱烈討論，更不斷即興二次創作水底攝影照，水底拍攝瞬間成為熱話。
而另一名人周嘉儀，亦在臉書表達對事件的關注，並留言：「一個屬於香港人的游泳盛事，點都要支持吓。」有趣的是，有周嘉儀粉絲，亦立即二次創作周嘉儀化身美人魚水中游的P圖，更笑言這張圖畫的意義，是希望只能精神上支持活動的周嘉儀，對盛事的參與度感覺更高。
其實是次水底拍攝，響應的體壇明星及藝人相當之多，演藝界代表包括索爆人妻謝安琪（Kay）、不屈服於世俗眼光的鄭欣宜、男神王宗堯及另類女神代表魯芬。當中化身水中仙子的謝安琪，活潑可愛美人魚的鄭欣宜，更成為網民熱捧對象，個個爭住畀Like！
唔講唔知，原來Kay BB為咗影呢輯相，可謂吃盡苦頭，由於條裙好飄逸，浮力好強，加上Kay BB又好輕，結果Kay BB要喺條腰綁住鉛塊，先可以成功沉底，難怪佢自己都話辛苦。不過向來正能量爆燈嘅Kay BB一啲都唔覺得辛苦，仲對於相關宣傳照讚不絕口：「每個人影嘅宣傳照都各有特色，出嚟效果好好，大家都好留意，所以攰都係值得。希望透過今次活動，可以增強大家海洋保護環境意識。」而好希望當日能夠抽空參與盛事的欣宜，亦大讚事件有意義：「咁多人一齊渡海泳，係一件好有力量嘅事！」
同樣有份參與拍攝的王宗堯，則呼籲參賽者要注意安全：「無論係游得快定慢都好，最重要係可以完成比賽。」而魯芬BB亦呼籲年青朋友要積極參與，仲等咩呀？10月18日上晝，鯉魚門三家村公眾碼頭見
網民有話兒
欣宜
追夢者：其實我覺得欣宜嗰張幾有美感
Barbie King：都係欣宜正，落水前同落水後都無乜分別，都係咁索
Fanny Kam：欣宜堅強又自信，值得欣賞
Hero：好可愛，好活潑的魚...欣宜做到魚活潑的神髓...可愛極了，好喜歡
隨緣：欣宜好自然，邊個話肥人唔可以拍泳裝照？
Getting Happy：影得唔錯，有美感...雖然係肥，但唔難睇！
Jessie Cheng：真心覺得欣宜美人魚Look好好睇，係肥咗少少，但好有神彩同魅力。
謝安琪
一二三快閃黨：KAY BB冇得輸
蘿蔔糕二世：KAY完勝
可愛的人：喺水度開住眼，閉住氣，仲要擺POSE，算係咁啦
Mandy Poon：Kay靚到好似畫出嚟咁！
魯芬
Eddie Leung：魯芬BB個造型好有氣勢。
王宗堯
Mandy To：型英帥，正！
|
鍾意就快D Share啦！
|
|
|