| 阿Sa講起呢段逝去的感情，一諗起陳偉霆，不禁眼紅紅。 | next 1/1 pre |
 | |
| 經歷分手之痛嘅阿Sa，跳舞好似都冇乜心機。 | next 1/1 pre |
 | |
| 阿Sa否認兩人在呢段時間宣布「分訊」是為了宣傳。 | next 1/1 pre |
 | |
| 阿Sa開腔力撐舊愛，分手絕對唔關小三事。 | next 1/1 pre |
 | |
| 記者會初期阿Sa表現輕鬆，更面露笑容。 | next 1/1 pre |
 | |
| 後期開始眼紅紅。 | next 1/1 pre |
 | |
| 在旁的阿嬌都一臉愁容。 | next 1/1 pre |
 | |
| 阿嬌一路陪伴好姊妹左右。 | next 1/1 pre |
 | |
| 阿Sa表示輿論及粉絲壓力亦是分手原因。 | next 1/1 pre |
 | |
| 阿Sa痛心陳偉霆被粉絲攻擊。 | next 1/1 pre |
 | |
| 陳偉霆與趙麗穎對戲時被拍得手拖手，因而傳出緋聞。 | next 1/1 pre |
蔡卓妍（阿Sa）與陳偉霆（William）宣布結束五年情，昨日從蘇州工作返港的阿Sa下午現身新蒲崗，為無綫慈善節目《星光熠熠耀保良》綵排，現場數十傳媒到場採訪。大會於五點招待記者進場，Twins成員阿Sa和鍾欣潼（阿嬌）先跟一班dancers大合照，之後，阿Sa又與阿嬌搭膊影相，剛宣布「分訊」的Sa明顯一路強顏歡笑，臉色也有點憔悴，隨後，兩人正式綵排唱歌、跳舞。未知是否受分手一事影響，阿Sa今日跳舞似乎冇乜力。
強調分手不涉第三者
其後，阿Sa於好姊妹阿嬌陪同下受訪，更首度開腔回應分手一事，雖然阿Sa不願透露何時分手，但對於長駐內地拍劇的William，被指搭上內地女星趙麗穎導致分手，阿Sa多番強調兩人之間並無第三者，更力撐舊愛William的為人：「由始至終都冇，絕對冇！主要見得少又忙。（有傳William內地爆紅影響感情？）佢唔係咁嘅人，我識佢好多年，雖然依家唔係情侶關係，但同佢都係好好嘅朋友，佢絕對唔係咁嘅人，我好清楚。（再見亦是朋友？）大家都係朋友。」阿Sa又直言粉絲及輿論壓力均導致分手，她說：「我唔介意睇到有人攻擊自己，但痛心見到某啲粉絲攻擊對方，（呢樣）係我最唔想睇到。」
分手非為宣傳
有傳兩人為宣傳個唱及網劇而宣布「分訊」，阿Sa否認稱：「唔係個個藝人都需要呢啲嘢，我哋由始至終都唔使，只要大家唔問、唔講就係一個最好嘅宣傳。」她又坦言目前心情已經平復，不過，當接受電子傳媒訪問時，阿Sa雙眼卻一度眼紅紅。至於好友阿嬌表示有陪對方傾偈，問到有否開解阿Sa？她說：「我哋在心中，內容不便透露。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|