同36歲周麗淇分手 徐正曦火速搭上19歲混血女
周麗淇(Niki)同徐正曦呢一對姊弟戀，日前因為Nik
i嘅生日，徐正曦一句生日快樂，引嚟Niki回覆一句「保重」，有指兩人手已分。
分手原因，有指係因為兩人聚少離多，時起爭執；而36歲嘅Niki亦希望可以專心攻打大陸市場，拚搏多幾年，故痛定思痛下決定斬纜。不過，昨日就有周刊報道，話Niki同徐正曦分手三個月，男方已經搭上咗新女喇。
據周刊所指，徐正曦喺拍攝內地劇集《錦衣衛》嘅時候，就搭上咗19歲嘅中英混血宋妍菲，兩個喺劇中有唔少對手戲，而喺七夕當日，徐正曦仲貼咗幾張同宋妍菲好親密嘅合照，劇組人員仲指兩個成日喺片場出雙入對，關係曖昧。
