2015年9月4日星期五

盤點韓國電影圈最有叫座力五大女星全智賢封后全智賢,

【韓流】盤點韓國電影圈最有叫座力五大女星全智賢封后

2015-09-04 08:00:00

無論邊個國家，喺電影圈嘅世界好多時都係男演員做主導，即使好似荷李活咁，好多時大片孭飛做主角都係男演員，不過有唔少女星都係具有叫座力，而目前喺韓國超過千萬票房嘅電影作品中，雖然基本上都係男演員擔大旗，但都有部份過千萬觀眾人入場人次嘅電影由女星擔正，當中具有叫座能力嘅女星就有擁有全智賢、金慧秀、孫藝珍、河智苑同嚴正花。

而五人當中就以全智賢最犀利，佢出演嘅作品累積票房有近3,900萬觀眾人次，電影代表作品有《我的野蠻女友》、《雛菊》、《盜賊們》、《觸不到的戀人》、《復國者聯盟》等，全智賢仲係唯一一位女星有兩部逾千萬觀眾人次電影嘅演員，可見女神地位不容置疑。

至於緊隨全智賢之後就係有入主演《盜賊們》嘅金慧秀，佢嘅累積票房有近3846萬觀眾人次，排在第二名。排第三名就係孫藝珍，雖然佢嘅電影就未試過破千萬觀眾人次，但佢曾拍下唔少代表作，好似《假如愛有天意》、《白夜行》、《海盜》等，累積票房有近3317萬觀眾人次。

第四名及第五名就分別係河智苑同嚴正花，兩人都一齊演出過《海雲臺》，河智苑嘅累積票房就有近3311萬觀眾人次，而嚴正花就有約3157萬觀眾人次嘅累積票房。