龐卓欣失冠軍 富爸爸包場呵番
出爐港姐冠軍麥明詩與亞軍龐卓欣前晚得獎後，各有不一樣的慶祝活動。雖然龐卓欣未能奪冠，但她的「富爸爸」龐寶林依然在蘭桂坊花五位數包場「呵番」，富三代男友Solomon亦有到場支持。至於得獎後感性爆喊的麥明詩則未有大肆慶祝，她選擇與家人靜靜地在家中慶祝，麥媽媽更準備了燕窩慰勞女兒，場面溫馨。
《2015香港小姐競選》前晚圓滿結束，三甲塵埃落定為冠軍麥明詩、亞軍龐卓欣及季軍郭嘉文，「十優港姐」麥明詩更包攬「最上鏡小姐」成為雙料冠軍。她接受加冕時已經想喊，其後拍攝得獎感受到後台受訪也喊個不停，要化妝師為她補妝。她共獲得166,654位市民投選冠軍，令她以925,173分以倍數拋離「宿敵」龐卓欣所得的405,295分，季軍郭嘉文則有257,064分。
男友讚表現出色
出爐港姐前晚得獎後隨即為官方刊物拍照至凌晨兩時許，「喜愛夜蒲」的龐卓欣忙碌完一整天未有回家休息，反而飛奔前往蘭桂坊。不過龐卓欣今次並非到蘭桂坊夜蒲，原來「富爸爸」龐寶林花了五位數包下餐廳為愛女慶祝，龐卓欣富三代大隻男友Solomon亦有親身到場「餵飽」女友。龐卓欣父母及男友專程到餐廳樓下迎接，更應邀大方合照。Solomon被問到女友未能奪冠會否失望？他說：「唔會，佢表現好好，由開始到尾都好好，會同佢食飯慶祝。」龐寶林對女兒表現亦感滿意，笑謂已超出預期。
另邊廂，麥明詩帶同無綫攝製隊回家拍攝慶祝情況，其父母及哥哥一早已在樓下迎接，落車後她先與父母及哥哥擁抱，之後拖着媽媽回家。父母在家準備了燕窩及蛋糕為女兒慶祝，麥明詩更餵媽媽吃燕窩。
拍劇指定後生靚仔
此外，麥明詩、龐卓欣、郭嘉文及友誼小姐林凱恩昨日在電視城會見傳媒。麥明詩說：「返到屋企瞓覺啦，仲有食消夜。屋企都重溫情，不過平淡啲，冇大肆慶祝。（親友致電祝福？）個電話（畀短訊）震到冇晒電。（男友有冇同你慶祝？）我唔知你講邊個，男性朋友就好多。（網民質疑你隱瞞有男友。）咁你哋再摷吓！冇男友，但有好多朋友。（網民質疑你整容。）依家先講，唔早啲講！我牙都冇箍過，同童年相都似樣。（嘗試拍劇？）睇吓邊個做男主角，要後生、靚仔！（你參選時三度露毛。）我唔知咩事，台上quick change冇平時咁小心，好不幸，唔想因服裝影響演繹。」
龐卓欣則透露回家後，與家人重看比賽至凌晨五時。問到家人有甚麼獎勵？她說：「屋企人喺餐廳包場同我慶祝，佢哋喺餐廳等到我3點，想親身恭喜我。（知你鍾意先去蘭桂坊？）唔係，餐廳係朋友開嘅，平時12點就關門。」提到她當選後會面對多種誘惑，要不要向男友派定心丸？她說：「冇，對佢係好事，個個都知佢係我男友，佢好自豪。」
文：影視組
|
鍾意就快D Share啦！
|
|
|