網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月1日 星期二

千嬅珍惜同仔仔相處光陰 千嬅,楊千嬅



Torres已經三歲人仔開始懂事,千嬅話依家好珍惜同阿仔相處嘅時光。

next 1/1 pre

千嬅以一身潮LOOK接仔仔放學。

next 1/1 pre

Torres出嚟喇。

next 1/1 pre

Torres勁精靈。

next 1/1 pre

Torres不時回頭。

next 1/1 pre

剷咗個潮頭,幾型仔呀。

next 1/1 pre

SAY BYE BYE。

next 1/1 pre

千嬅同老公湊仔方法有分歧,千嬅比較注重Torres嘅日常生活飲食同健康。

next 1/1 pre

千嬅工作忙碌,但有時間都會盡量自己湊番Torres。(資料圖片)

next 1/1 pre

廿四孝媽咪楊千嬅,剛在廣州做完巡迴演唱會,未有好好休息回氣,今早就親自湊囝囝Torres(丁進諾)返學放學,千嬅事後接受《東網》電話訪問,原來Torres已經開學半個月,她説:「佢今年升K1,我個仔都OK嘅,暑假雖然我要拍好多節目,但今年冇去旅行,會同佢玩,其他家長搞咗啲gathering,去吓你屋企,又去吓我屋企,等佢盡量喺暑假裏面都有一個同同學一齊嘅氣氛,呢樣好緊要,等佢準備習慣群體生活,佢返學就唔會太過恐懼。」

感激媽咪幫手湊仔

千嬅坦言屋企得一個小朋友真係會悶,所以她好多時讓Torres同其他同學仔玩,或者她朋友的小朋友玩,她說:「尤其丁生成棚friend都有小朋友,大家都有搞gathering。」

平日千嬅盡可能親自湊囝囝返學放學,甚少假手於人,她說:「除非我唔係香港喇,譬如之前我拍《極速前進》,我兩公婆都唔喺香港,雖然同姐姐都有默契,我都相信佢,始終我媽媽喺度我會安心啲,因為小朋友唔舒服我最擔心,所以我媽咪辛苦啲,媽咪真係好偉大,湊大我哋三個已經好辛苦,仲要幫我湊個仔,咁有時我走得耐,我媽咪就會喺我屋企home stay幫我湊佢嘅,如果我做完嘢,返咗香港就算有嘢做都好,都可以安排到自己湊番佢返學放學。」孝順女千嬅對母親很愛錫,她說:「我媽咪真係辛苦,為咗我付出咗好多,最近佢捱病咗,雖然我緊張個仔,但最擔心我阿媽,阿媽咪一唔舒服,我就好內疚。」

同老公有分歧

千嬅指3歲大的Torres開始懂性,她說:「我湊佢返學放學,佢會開心啲,有時佢曳我都盡量同佢傾,唔可以鬧,夜晚又要陪佢講吓故事,佢要同你傾偈講嘢,呢個時間嘅佢好鍾意同人問點解,我哋要珍惜呢啲光陰。」很多家長仔女未讀書,已經幫他們搵定幼稚園、小學,問到是否已經着手幫Torres搵小一?千嬅坦白說:「個個家長都緊張、擔心架啦,local學校會考,國際學校又會考,香港啲學位係好緊張,但我自己覺得鍾意觀察吓佢性格先,可以等佢大個啲先決定,唔會太過逼佢,最緊要佢身體健康,男仔點都要運動,體能要好啲、主動啲,呢啲我老公有共識,始終Daddy對個仔期望上面睇嘅嘢唔一樣,我就比較注重佢日常生活飲食同健康。」

鍾意就快D Share啦!