想睇最新消息？ 即時follow【現場－蘋果突發】fb！http://fb.com/applecitycrime
iPhone手機深受「果迷」熱捧，連帶亦成為賊人覬覦的對象。先達廣場昨晚上演一幕偷龍轉鳳，女賊以Dummy機(樣板機)換走iPhone 6 Plus手機。
失竊手機店的店員唐先生透露，昨晚7時55分，一名身穿黑色中袖上衣、年約35歲的女子，步入店內觀看後又離開。「隔咗兩分鐘就返轉頭，話想睇部金色的iPhone 6 Plus。」唐先生遂取出手機給她，「佢左手一直揸住部機，跟住講呢樣講個樣，話『我個仔成日畀人呃』之類，冇為意，講咗兩分鐘，又話想要睇第二隻色。」唐先生轉身往取機，此時該女子卻說不要了，並將金色的機放在櫃面，匆匆離去。
唐查看手機，卻發現是一部Dummy機，「屏幕花晒，應該都係偷返嚟的。」經翻看閉路電視，懷疑該女子趁他不察，以披肩作遮掩偷龍換鳯，以Dummy機換去金色的iPhone 6 Plus。他慨嘆該名女子樣子斯文，不料卻淪為賊匪。「諗住佢驚凍先拎住件披肩，點知...問過行家，原來8月29日，亦有手機店中招。」他提醒其他小商戶提防類似事件，但若女賊在3日內交回電話，將網開一面，既往不咎。
|
鍾意就快D Share啦！
|
|
|