苟芸慧同醫生「分手」 絕望呻放棄
飽受甲狀腺問題困擾3年的苟芸慧，每月都需要求醫，她昨日在微博上載抽血手腫相，更儼如絕望般表示希望與醫生「分手」，似暗示放棄治療。網友即紛紛叫她撐住，事後她收拾心情，只表示是跟醫生開玩笑，但承認收到不少朋友慰問。
苟芸慧揚言有信心10月會以弗爆姿態亮相。
苟芸慧今年6月時曾表示希望是最後一次睇醫生，但事與願違，昨天她上載睇醫生後抽血致手腫的照片。
前華姐冠軍苟芸慧（苟姑娘）2013年因甲狀腺問題導致體形腫脹，猶如中了「不瘦降」般愈見肥腫，加上心情低落，工作曾幾乎全面叫停，放假休養。近日她被《好報》踢爆投入做點心舖生意，化身點心女神做生招牌，似乎想重新出發。
滿以為苟姑娘「撥開雲霧見青天」，需定期覆診的她更早於今年6月時在微博自嘲是口罩超人往睇醫生，並滿懷希望地留言：「希望這是最後一次見面啦。」
網友鼓勵：堅持住！
不過，康復進度似乎未達預期，昨午苟姑娘在微博再度透露往求醫，並上載抽血後的手腫照，除了膠布外，其玉手更出現瘀傷，顯得絕望的她更「灰爆」留言：「醫生我們分手吧！N個月後竟然已經……去到這個抽血部位了？……還是左手？……從這一刻開始計時，180秒之內請不要跟我說話，In case you didn't know，我在生你的氣。」留言後再加上標籤，揚言拒絕再睇醫生：「手好腫，不跟你玩了，開個玩笑啦，拒約醫生，下一站終點站。」
不少網友眼見女神心情陷入谷底，即化身「正能量天使」留言鼓勵：「堅持住！會好起來的！」、「唔係終點站呀，下一站健康！」本來情緒起伏不定的苟姑娘，未知是否得到網友給予的「曙光」，心情頓時變好，更立刻轉發吳卓羲留言向他送上生日祝福。
預告10月弗爆回歸
昨晚本報記者聯絡苟姑娘，她表示博文一出，令不少朋友擔心：「好多朋友打畀我，冇諗過令大家誤會，Sorry呀！我都係同醫生講吓笑。」她承認患病初期情緒低落：「開頭成日都要抽血，係有唔開心，不過依家已經變成習慣，醫生話我進度好，身體好聽話。」將於10月結束假期的她更說：「10月底有信心變番之前咁Fit，醫生都話我OK，依家食藥分量已經食少咗好多。7月時醫生話我指數正常，依家身體冇咁腫。」至於留言「想與醫生分手」、「很痛」等似暗示放棄治療，她解釋：「平時抽血用幼啲嘅針，今次改咗用粗啲嘅針，所以搞到又腫又痛。」
其實抗病多年來，苟姑娘亦積極面對，除了開食店，又不停增值，上烹飪班、廣東話班、瑜伽班及跳舞班等。喜愛賽車的她，更因賽車服焗身，排汗量及消耗量提高來幫助瘦身。
文：專案組
苟芸慧揚言有信心10月會以弗爆姿態亮相。
苟芸慧今年6月時曾表示希望是最後一次睇醫生，但事與願違，昨天她上載睇醫生後抽血致手腫的照片。
|
鍾意就快D Share啦！
|
|
|