喺9月23日凌晨，湯盈盈細女Kassidy出世，前日就係Kassidy滿月，盈盈噚晚喺微博貼咗張相出嚟，同大家分享下喜悅，張相就分成三格，其中一格就係有個蛋糕，另一格就係姐姐錫錫妹妹嘅相，最後就當然係Kassidy全身相啦。
相中Kassidy笑得好開心，手仔腳仔好修長，最重要係同爸爸錢嘉樂一樣樣，係100%似，錢嘉樂一定好開心啦。
另外，今日係朱茵嘅生日，老公黃貫中就喺微博貼咗張相，就係囡囡「叉燒包」黃鶯嘅相，張相係囡囡拎住茶畀媽咪飲，阿Paul仲話：「鶯鶯：『媽媽，我和爸爸祝您生日快樂，請喝茶，小心燙噢 ！』」真係好sweet！
