| 背向鏡頭的男童表示知錯後，仍不獲白衣男原諒。(「香港突發事故報料區」fb專頁) | next 1/1 pre |
 | |
| 白衣男及太太企在手機零件店的門口，阻止男童離開。(「香港突發事故報料區」fb專頁) | next 1/1 pre |
大人「兇」細路，被網民圍插！有男士聲稱太太被一名男童無故起飛腳，一邊報警，一邊態度兇狠地教訓男童，並與太太企同一陣線，站在一間手機配件店舖門前，不容男童離開現場，即使男童爆喊求饒道歉稱「原諒我啦」，仍不得要領，更被男士鬧足超過7分鐘，不少網民看完短片後，痛心男童被惡言對待，留言轟男士「聲大大蝦細路！」
社交網站facebook「香港突發事故報料區」專頁，較早時有人上載一段短片，一名身穿白衫的男子在店內報警，指其身前一名身穿綠衣的男童，無故腳踢其太太，期間男童表現驚慌並試圖離開店舖，但被白衣男用手阻止，驚惶失措的男童曾道歉求饒並說：「我唔敢喇！」但白衣男仍不接受道歉，更指踢人乃犯法，「我行行吓街無端端踢你一腳得唔得先？對住我喊冇用，唔需要同我講。」
在7分鐘的片段期間，男童一直哽咽並抽泣。片段曝光後，一眾網友一致地撐男童，他們對男童被狂鬧感痛心，認為男童已得到應得教訓，批評大人沒有惻隱之心，鬧得太盡等同「大蝦細」，「小朋友都同你講對唔住，係唔係真係有必要咁罵佢？」
網民有話說：
Amanda Yeung：洗唔洗(使唔使)咁呀？嚇死個細路，影響心理發展。
聶六少：每當聽到個小朋友求情把聲......個心就好痛......
楊啟文：就算之前個小朋友幾唔啱都好，佢都同你講對唔住，係唔係真係有必要咁罵佢，宜(依)家比(畀)人感覺係條麻甩佬大蝦細囉！真心話，呢兩公婆千其(祈)唔好有小朋友，有嘅話做佢仔女就真係可憐呀！
Jimmy Chu：有幾大件事呀？比(畀)細路踢到然後細路又同佢道咗歉咁都要對個細路咁惡？
Hayden Waihan Cheung：嚇死個細路！
淺草：嚇到個細路都慌曬(晒)，無少少惻隱之心。
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
