熱爆娛樂: 69號指其他佳麗有整容「翻版冼偉智」自認似吳尊整容,冼偉智,吳尊,

2015年10月20日星期二

69號指其他佳麗有整容「翻版冼偉智」自認似吳尊整容,冼偉智,吳尊,

其他影片：>>

2007年嘅亞洲小姐冠軍張家瑩，今日就喺深圳做「可能係最後一屆亞姐」嘅評判，佢覺得今次亞姐嘅質素都好好，又話睇好11號嘅李珊珊。另一個評判陳欣健就話睇到好辛苦，張家瑩都話係，因為真係太多，仲用食100個蛋糕嚟做比喻，話食太多會嘔。

56號王小平就成功入咗50強，佢以E級嘅身材令人留下記憶，不過佢就覺得自己有啲肥，所以之後都會努力減肥。同樣入圍嘅69號曹爍彬，佢就算係靚女，問佢自己嘅優勢係咩，佢就話自己冇整過容，問到係唔係覺得其他佳麗有整過，佢就話：「肯定有！大家都是女孩子，所以會知道。」

而55號張春雪，雖然就入唔到圍，但係佢個樣就似王祖藍舅父冼偉智，問到佢覺得似唔似冼偉智，佢就話唔知邊個係冼偉智，但就指有人話佢似吳尊。問到畀人話似男人會唔會唔開心，佢就話：「沒所謂，似明星就好，別人記得我就好。」至於入唔到圍佢都有啲失落。

	張家瑩覺得今次亞姐嘅質素都好好。	56號以E級嘅身材令人留下記憶點。
	長髮冼偉智？不過佢落選咗。
69號曹爍彬話其他佳麗肯定有整過容。