我哋《壹》仔今期（1336期）報導過，楊思琦忽然富貴，連掃兩個將軍澳千萬單位，疑似同秘交已婚富商有關。原來升晒呢嘅，仲有o靚模蔡穎恩（Evelyn）咩？
早排下晝，《壹》仔見到Evelyn喺圓方買涼茶，似係開完工要買嘢解吓渴。買完涼茶嘅Evelyn，一路行一路好熟架步咁，由商場行咗入喺圓方上面嘅豪宅擎天半島。乜Evelyn咁有家底架咩？之前佢同Mr.個鼓手阿Tom拍拖，兩個人都係住土瓜灣唐樓咋喎？唔通……佢學思琦妹？
非也非也，原來Evelyn真係住喺嗰度架，忽然有米嘅，係得有個女要照顧嘅思琦妹啫！
