| 任達華揚威海外，於西班牙獲頒貢獻成就獎！ | next 1/1 pre |
 | |
| 香港之光！ | next 1/1 pre |
 | |
| 幫當地粉絲簽名。 | next 1/1 pre |
 | |
| 得來不易！ | next 1/1 pre |
 | |
| 琦琦陪住老公攞獎。 | next 1/1 pre |
 | |
| 錫錫個獎。 | next 1/1 pre |
影帝任達華（Simon）拍過無數電影，近年更獲得不少獎項，日前再下一城，獲西班牙舉行的大型電影頒獎禮Sitges 2015頒貢獻成就獎，現身處巴塞隆拿的Simon心情靚爆，開心地說：「呢個獎係頒畀對電影有貢獻、有成就，對電影有影響力嘅人，好開心好榮幸，我每年都有不少電影會喺當地播放，今次更特別安排咗一間有100年歷史嘅電影院播放我兩套電影，同埋喺嗰度同一班影迷一齊睇戲。」
Simon逗留當地四日，行程緊密，一日安排20個訪問，問到會否感吃不消？他說：「唔會，啲人好熱情，而且可藉此機會宣傳香港電影業，同介紹香港美食畀佢哋。」Simon又謂拿獎後，第一時間通知囡囡，給予她鼓勵及正能量。
太太琦琦全程陪同左右，問到送甚麼禮物給老公？她笑說：「我陪住佢已係最好嘅支持，但佢得獎致謝時，多謝咗好多人，竟然唔記得多謝我，後來攞完獎再話多謝我同囡囡，搞到全場笑晒！」Simon身在異地，但粉絲人數依然沒減，任何地方均被粉絲包圍，問到有否為老公解圍？琦琦說：「冇呀，嗰度嘅人好熱情，攬住佢唔放，等佢習慣吓呢種熱情，就算佢錫女粉絲面我都唔介意。」琦琦又謂難得與老公二人世界，亦有抽時間拍拖，大讚當地十分浪漫，是拍拖聖地。
|
鍾意就快D Share啦！
|
|
|