「我哋根本對單車唔認識，個仔既然走咗，我哋都唔做落去，費事觸景傷情…」熱愛單車的37歲伍姓單車舖老闆Keith，為搞好元朗安樂路「順風車」店舖，勞心勞力，上月底北上買貨，準備返港時，突然暈倒及陷入昏迷，進內地醫院搶救4小時後證實不治，痛失愛兒的母親指出，由於兩老對單車亳無認識，加上行業競爭大，未能完成兒子心願，無奈選擇結業。
「我哋唔做落去啦，主要清埋啲貨。」Keith的母親透露，近日店舖進行「折上折」減價，並獲熱心網民將消息上載facebook「促銷」，現店舖只賣剩6、7部單車，還有些車架及零件等。「多謝大家的關心，係佢(Keith)心血嚟㗎，但係冇辦法。」Keith的母親坦言，兒子生前熱愛單車運動，3年前與好友合夥在元朗安樂路開設單車舖，但「個朋友做咗兩個月退咗出嚟，佢分身不下，乜都係佢一個人搞，單車舖嘅事，買貨，訂貨…」
至上月30日，Keith如常往內地買貨，詎料卻一去不返。「買完貨想過關，佢覺得自己唔舒服，打畀佢朋友，佢朋友趕過嚟，以為佢中暑，買支水畀佢飲，佢又嘔，跟住佢朋友同佢秤埋啲貨上車度，但係睇到佢已經昏迷咗啦。」送往內地醫院搶救4小時後終告不治。Keith的家人經多番轉折才得知噩耗，「佢喺大陸過身，醫生證實佢係腦幹出血…大陸啲醫生，畀我哋見最後一面，但係已經過咗身啦。」
Keith的母親指出，兒子因「唔想放棄呢個單車舖」而勞心勞力，「最主要係佢冇乜時間休息，搞到個身體咁樣。」對於兒子遽然離逝，白頭人送黑頭人，Keith的母親坦言：「 唉，冇咗條人命梗係可惜㗎人都走咗，惟有自己堅強。」鑑於行業競爭大，她們年紀大亦無法再經營該店而選擇放棄，只能盡力在數天內清貨，幸得網民在facebook廣傳而銷情「加速」，但仍鬧出有網民指其店舖賣「淘寶貨」，Keith的母親直言「清者自清囉，正所謂成港九新界，你話邊個唔去大陸買貨？」
想睇最新消息？ 即時follow【現場－蘋果突發】fb！http://fb.com/applecitycrime
「順風車」無奈結業。(黃昇攝) 
Keith把整副心血都放在單車店。(網上圖片) 
Keith的單車店3年前開業時的情況。(網上圖片)