澳門賭業猛人周焯華（洗米華）真係好忙好忙，成日要周圍飛！
啱啱先至話同正印老婆陳慧玲（Heidi）去咗澳洲玩，噚日又俾讀者捕獲佢同女友Mandy Lieu，喺馬來西亞吉隆坡機場出現。根據讀者譚先生報料話，噚日晏畫洗米華孖住Mandy入咗機場禁區，當時兩個人一路行一路望，研究緊去邊度食嘢咁款，沿途有講有笑，仲溫馨拖手仔!
洗米華表情輕鬆好大方，相反冇化妝着住短熱褲黑衫嘅Mandy，就好有戒心，不停周圍望，睇實有冇相機偷影緊佢哋。
而當Mandy眼見周圍都係得大馬人嘅時候，即刻放低戒心，同洗米華sweet拖手，但之後見到身邊多咗華人面孔，又好小心不停四望，亦都冇再拖手，仲前後腳行，兼行得好快。
