掃呢頁CODE去手機

2015年11月26日 星期四

甩黎明三年 樂基兒箍纏金融才俊 [壹週刊 - 1342] __,樂基兒,黎明,基兒,M1,

Gaile與新歡 Brian經常出雙入對,早前兩人拍拖到數碼港睇戲, Gaile發現有記者後,表現閃縮。 探熱針 甩黎明三年 樂基兒箍纏金融才俊 離婚三年,前黎明嫂樂基兒( Gaile)甩身後感情生活多姿多彩,男伴一個接一個;最新 ...


Gaile與新歡 Brian經常出雙入對,早前兩人拍拖到數碼港睇戲, Gaile發現有記者後,表現閃縮。

探熱針

甩黎明三年 樂基兒箍纏金融才俊

離婚三年,前黎明嫂樂基兒( Gaile)甩身後感情生活多姿多彩,男伴一個接一個;最新入幕男友,是年約四十歲,開證券投資公司及信貸公司的金融才俊劉愉樺( Brian),家底有番咁上下,為了 mark實對方, Gaile更重新將工作基地,移回香港。

家底厚

樂基兒數月前突然公告回歸香港長住,留港接 job;原來她與新西蘭籍男友 Cuz去年底分手後,已火速另覓港男新歡,年約四十歲的劉愉樺( Brian),在香港擁有三間公司,分別是進陞信貸、進陞證券及進陞投資控股,出身於富裕家庭,家住渣甸山白建時道嘉雲臺。

身家有番咁上下豐厚外,據知 Brian無論性格或嗜好,均與 Gaile十分啱 key,二人都是愛玩愛蒲,同樣熱衷滑水運動,彼此有共同嗜好,唔似得前夫黎明,要她留守家中,約朋友都要約返屋企。

鍾意煮番幾味的 Gaile與男友到超市買餸,準備返屋企玩煮飯仔。

拍拖生活開心,搞到 Gaile發福不少,肚腩都凸埋出來。

買完餸 Gaile男友負責攞嘢,之後一齊去攞車返屋企。

好啱玩

日前, Gaile同男友拍拖到金鐘太古廣場的 Great超級市場買餸玩煮飯仔,每揀啱一樣嘢, Gaile都會先問男友意見,對方 OK才放落購物籃。

拍拖開心, Gaile心廣體胖凸晒腩。上完糧,由男友揸車,二人同返嘉雲臺開餐慢慢玩。

二人世界屋企過,上星期五(十一月二十日),拍拖出外尋活動,週末夜,熱選中環,在蘭桂坊的 Lily& Bloom夜蒲,在夜店內, Gaile不時從後箍住男友,十分痴纏,玩到凌晨兩點,才盡興離開。

黎明同樂基兒在 08年結婚, 12年宣布離婚,分開後兩人甚少再聯絡。

上週五, Gaile與男友到蘭桂坊蒲到凌晨兩點, Gaile更不時箍實男友唔放。

買完餸 Gaile男友負責攞嘢,之後一齊去攞車返屋企。

舊相識

為了新戀情, Gaile決定將基地由美國移返香港,宣布主力在香港接 job。

「之前同 Cuz拍拖, Gaile成日要美國、峇里兩邊飛,有時香港有 job都未必接,分手後佢都冇諗住返嚟(香港)長住,但有次做嘢喺香港遇番 Brian,其實佢哋之前已經識,不過當時 Gaile係黎太,撞番之後覺得好有 feel,好快就開始來往,之後 Gaile索性放低晒美國啲嘢,搬返香港黐住男友。」 Gaile身邊人說。

Gaile自從同 Brian拍拖後,就由美國返回香港工作。

同黎明離婚後, Gaile同 Cuz拍拖,為了同他拍拖, Gaile更放棄了香港工作一段時間。

Gaile鍾意滑浪,據知新男友都同佢一樣有共同嗜好,都係熱愛水上運動。

當年因為 Cuz貼了 Gaile一張著底褲仔床照,迫使黎明向外宣布二人離婚一事。

Gaile返回香港後,除了專注拍拖外,都有約做 model時認識嘅朋友 Danielle一齊去蒲。

寸爆前夫

12年,黎明與樂基兒離婚,以「不是敵人,不是朋友」言論結束四年夫妻關係,並以新歌《我可以忘記你》影射前妻,樂基兒亦不甘示弱,不時暗寸黎前夫。

放手係好事

離婚爆出前,黎明辭任二人共同持有的公司董事職位,樂基兒寸嘴回應:「佢放手都係好事,呢盤生意同 Leon或 fashion都無關,係我私人生意。」一句「佢放手係好事」,成為焦點。

不是朋友

黎明發表「不是敵人,不是朋友」言論,樂基兒毫不介意:「最大個 point唔係敵人就得啦,咩關係都冇所謂。」

享受自由

早前,樂基兒在訪問中拋下「玄」金句,揚言這幾年悟出道理。「一個人食飯,叫乜都可以;同食齋嘅人,就要有齋菜;有人請,就要等對方決定食乜」,高調宣示自主,享受現時的自由生活。

億元物業

與前夫黎明共同持有的億元美國豪宅,對該物業仍有留戀的樂基兒表示:「做嘢儲錢俾番黎明,或叫黎明送俾我,又可能等個好價賣」。

撰文、攝影、攝錄:娛樂組

鍾意就快D Share啦!