被網民稱為靚仔到暈嘅化妝師 Kenneth，日前被本刊喺 ifc獨家捕獲，雖然完全封口唔回應，但都友善微笑，之後佢同同事喺後梯間傾偈期間解釋：「唔想俾人話博出位。」
真面目
小鮮肉 獨家捕獲 190高古天樂 專一 4年獨愛化妝妹
弊喇弊喇！尖沙嘴著名景點竟然消失咗！唔係講緊星光大道呀，係講緊樣貌似足古天樂加金城武嘅靚仔化妝師 Kenneth Lai。 190cm（ 6呎 3）高嘅 Kenneth係海港城連卡佛 Tom Ford櫃位化妝師，雖然係素人，但因太靚仔而被強國闊太熱捧為尖沙嘴「景點」，大媽遊客更為咗一睹佢風采而阻住做生意，搞到 Kenneth俾公司調走咗喇！
不過最令強國大媽失望嘅，係 22歲嘅 Kenneth已有拍拖 4年，大佢半年、 23歲嘅固定女友，而且都係做化妝，小情侶仲經常喺 ig晒恩愛，大家祝福佢哋把
靚仔 Kenneth喺尖沙嘴連卡佛內 Tom Ford化妝櫃位工作，貌似 90年代未變黑嘅白面古天樂，又有啲似金城武，身高有成 190cm，長腿 Oppa靚仔過好多明星，網友更指佢待客態度親切，有內地遊客專程去尖沙嘴偷影佢放上社交網站，仲影埋卡片，原來 Kenneth中文名叫黎議駿，靚仔相喺網上瘋傳，內地網民更稱佢為「海港城其中一個景點」，女顧客藉光顧為名實質偷拍，群情洶湧。
「我又唔係明星」
不過呢個受歡迎景點日前突然被調走，去咗中環 ifc分店，據知因為每日有近百內地大媽為一睹 Kenneth風采，堵塞連卡佛通道，但旺丁唔旺財，仲搞到隔籬櫃位做唔到生意而向 Tom Ford投訴添，雖然公司冇怪佢，但都暫時將 Kenneth調走避鋒頭。
本週一（ 2日），《 FACE》喺 ifc遇到剛剛同男同事食完 lunch嘅 Kenneth，不過佢對於所有問題都不願回答，只係笑笑口、擰擰頭，身旁男同事則好似護駕一樣箍實 Kenneth，一直護送到連卡佛送貨電梯。
幾分鐘後， Kenneth跟同事再次出現喺後梯間，男同事煲煙， Kenneth只係企喺度陪傾偈，期間 Kenneth講咗句：「唔想俾人話我博出位呀，我又唔係明星。」
雖然唔係明星， Kenneth個 ig已經有 1萬 5千個 followers，而最令人心傷嘅係佢已有個拍拖 4年嘅女朋友 Yumi， Kenneth更經常自晒恩愛照片，又寫盡冧語：「只要想你，就沒有了煩惱。」更疑似送玫瑰求婚，據知 2人都係做化妝，而 Yumi ig同樣好纏綿，喺黐頭相寫住：「現在跟他一起，可以不用帶腦子，放心的當一個弱智。」唔知幾多大媽想做弱智呢？
通街男神
化妝師 Kenneth傾國傾城……其實香港地隨處都係男神、小鮮肉，厚肉又多汁，有啲仲贏埋健美冠軍添！
元朗明仔
5個月前報道過 21歲元朗街市仔莫將明（明仔），幫親戚打理肉檔，谷肌推車送貨被網友影相開心些牙而成名，最近更上一層樓，原來明仔參加咗一個國際性健美比賽，贏咗青年組健美先生冠軍同古典健美先生亞軍，真材實料呀！
採訪、撰文：娛樂組
攝影：娛樂突發組
|
鍾意就快D Share啦！
|
|
|
