日本東北大金屬材料研究所嘅齊藤英治教授，最近就同佢嘅發團隊成功利用液體金屬發電，有可能取代電池，第時遙控器唔使再入電池。
今次研究成果係由佢嘅學生高橋遼發現，將液體金屬嘅水銀同鎵合金注入0.4mm嘅石英管，而當液體金屬通過石英管道時，就會因為摩擦而形式漩渦，令金屬入面嘅電子進行自轉。佢哋喺實驗時，液體金屬每秒2米嘅速道通過絕緣管道，可以產生1000萬分之1伏特嘅電流，雖然電力好微弱，但只要倍化比例就可以生產出更有效嘅電力。 
齊藤英治教授話呢個發現有助將來發展超小型發電裝置，甚至可以安裝到大家嘅電視遙控器等小家電，只要撳一下掣就可以發力，將來連電池都慳返。
| 
