| 羅霖錢財身外物，已經諗定點寫平安紙，話三個仔仔平均分。 | next 1/1 pre |
 | |
| 羅霖着到靚一靚出活動。 | next 1/1 pre |
 | |
| 羅霖話今日身上嘅珠寶價值逾七位數字。 | next 1/1 pre |
 | |
| 羅霖覺得儲錢買樓最實際。 | next 1/1 pre |
羅霖出席《2015珠寶小姐總決賽》擔任評判，打扮性感的她表示：「好開心可以做評判，自己好鍾意睇靚人，喺街度都會睇，男女我都睇。我嘅評審準則都係美貌、智慧同身材為主。我都想修讀珠寶鑑證，對珠寶設計有興趣，或者第時退咗休就去讀，可以設計珠寶首飾畀自己同畀人戴。今晚我戴嘅珠寶係由大會提供，價值逾七位數字。」
「實際啲儲錢買樓」
問到羅霖有沒有收藏珠寶？她表示：「我多數收藏錶多啲，同埋翡翠玉器，珠寶太貴喇，欣賞啦，都係實際啲儲錢買樓。啲咁名貴嘅珠寶都係放喺保險箱，好嘥，好少機會戴，又驚戴過出嚟啲人會認得，唔可以再戴，好似着衫咁淨係着一次。我做呢行好好，可以有機會戴到啲咁靚咁名貴嘅珠寶。自己買就會買啲保守啲同襟興啲嘅款式，最貴係七位數字嘅鑽飾。我覺得翡翠玉器好值得收藏，因為真係愈來愈少，升值潛力比較大，反而鑽石都仲有，不過都唔會買啲太貴嘅。（投資翡翠玉器？）唔係，係我媽咪鍾意影響到我都鍾意啫。」
諗定點寫平安紙
問到會不會將珍藏留給仔仔和新抱？羅霖表示：「會呀，我全部嘢都會留畀我三個仔同新抱，包括我啲名牌手袋，我保存得好好㗎。錢財身外物，又帶唔走，會畀佢哋三個平均分，唔會偏心。我連平安紙都諗咗點寫，呢個係新潮嘅做法，唔係有咩事我啲仔拎唔到我啲錢，我依家已經同律師講定，未雨綢繆。」
|
鍾意就快D Share啦！
|
|
|
