掃呢頁CODE去手機

2015年11月27日 星期五

【狗仔出更】梁詠琪B女眼仔睩睩 周麗淇行街心情靚 __,梁詠琪,周麗淇,

$(document).ready(function() { ga('set', 'dimension9', 'appledailyhk'); }); var globalvar, g_ngs_loggingData; // ***** START videoplaza AD plugin configuration ***** var videoPlazaCo ...




其他影片:>>






潮媽梁詠琪(GiGi)今日下午四點幾,抱住囡囡Sofia現身銅鑼灣利園,之後GiGi會合一位女友人,去COVE飲下午茶,GiGi同女友人茶聚兩小時後離開。噚晚天氣已轉涼,今日都凍咗好多,但見GiGi衣衫單薄,記者問佢夠唔夠暖?佢禮貌咁回答:「夠暖呀!其實好厚。」

GiGi又話囡囡已經識得叫爸爸媽媽,當Sofia聽到媽媽同陌生人講嘢時,佢就眼睩睩望實,個樣可愛到不得了,連媽媽都忍唔住錫阿女塊面一啖。

另外,周麗淇(Niki)今午三點,揸住部白色馬莎拉蒂,喺利園商場泊低座駕,佢同助手一齊去到利園五期,原來佢去咗一幢大廈搵朋友,而助手中途走咗,之後Niki同一名女性朋友落樓,其間兩女有講有笑,而Niki心情大靚,見記者亦有打招呼﹗

梁詠琪抱B女現身銅鑼灣,而周麗淇亦心情靚靚遊銅記。(攝影:徐錦池) Sofia眼仔睩睩好可愛呀﹗ GiGi表示囡囡已識得叫爸爸媽媽。
周麗淇發現記者時,都有打招呼。 仲笑晒口添﹗
鍾意就快D Share啦!