掃呢頁CODE去手機

2015年11月24日 星期二

【星爺新寵】周星馳同吳亦凡 又打又攬 :),星爺,吳亦凡,周星馳,

【星爺新寵】周星馳同吳亦凡 又打又攬2015-11-23 20:25:00 (圖片來源:吳亦凡微博)星爺周星馳近年甚少露面,不過都keep住拍新戲,今日喺微博見到星爺同吳亦凡過兩招嘅相片,星爺仲好似小鳥依人咁款,攬住吳亦凡合照,足見兩人交情非淺,吳亦凡更留言:「今遇高手,功夫了得,待我取得真經,來日再戰。」啱啱踏入25歲嘅吳亦凡,係韓國男團EXO前中國籍成員,上年返內地發展,有指佢有份 ...


【星爺新寵】周星馳同吳亦凡 又打又攬

2015-11-23 20:25:00



(圖片來源:吳亦凡微博)

星爺周星馳近年甚少露面,不過都keep住拍新戲,今日喺微博見到星爺同吳亦凡過兩招嘅相片,星爺仲好似小鳥依人咁款,攬住吳亦凡合照,足見兩人交情非淺,吳亦凡更留言:「今遇高手,功夫了得,待我取得真經,來日再戰。」

啱啱踏入25歲嘅吳亦凡,係韓國男團EXO前中國籍成員,上年返內地發展,有指佢有份客串星爺執導嘅電影《美人魚》,仲有喺星爺電影《西遊.降魔篇2》中飾演唐僧,似乎星爺都睇好吳亦凡。

月初吳亦凡生日,星爺仲罕有錄咗一段影片獻上祝福:「吳先生今天祝你生日快樂。」旁邊兩位友人對鏡頭不停獻吻,星爺見到忍唔住笑到彎晒腰,雖然條片得12秒,但都令吳亦凡受寵若驚。除咗星爺,好多大星都喺微博留言祝吳亦凡生日快樂,包括黃曉明、陳柏霖、何炅、范冰冰等,范冰冰仲叫佢做「凡凡」,真係夠晒有面!



星爺同吳亦凡過招,吳亦凡留言:「今遇高手,功夫了得,待我取得真經,來日再戰。」





吳亦凡有幸獲星爺攬攬



月初星爺(中)親自錄短片賀吳亦凡生日

鍾意就快D Share啦!