喺娛樂圈入面，好多女星都會嫁入豪門，所以唔少女仔入行，其實都係以嫁入豪門為目標，不過當中都例外嘅，好似朱茵咁，佢最近接受《魯豫有約》訪問，就講到佢嘅愛情觀，佢話自己唔單只對入豪門冇憧憬，甚至仲會諗辦法避開，話自己對有錢人有偏見。
朱茵講到佢喺一個自由自在嘅家庭長大，細細個爸爸媽媽就同佢講，一入豪門深似海，所以一遇到有錢嘅人，都會避開。朱茵又講到佢嘅初戀男友，係演藝學院師兄，最後就因為諗法唔一樣而分咗手，之後就係眾所周知同周星馳嘅戀情，同星爺分手之後，佢都有傳過樊少皇同郭富城一齊，不過到最後，佢就揀咗黃貫中。
朱茵當年同阿Paul一齊，有傳媒用「窮」嚟形容阿Paul，朱茵話對「豪」睇得唔重：「我喜歡勇敢和有才華的人，太有錢的人，怎麼會照顧人呢?因為很多東西，他們太容易得到了，從很小的事情就會知道，比如說水，根本不用自己倒出來喝，你第一手就能得到了。」
| 朱茵依家有個幸福的家。 |  訪問中朱茵大講佢嘅愛情觀。 |  囡囡依家好得意。(微博圖片) |
 (微博圖片) |
|
鍾意就快D Share啦！
|
|
|
