掃呢頁CODE去手機

2015年11月18日 星期三

冇事發生 撞正台慶區選 花哥保吳璟儁棄藍可盈 [FACE - 443] :),吳璟儁,藍可盈,MF,

三年前結婚時甜蜜蜜影婚照,但據報料人稱,新婚無耐吳璟儁已經原形畢露冷落太太。 讀者提供圖片 真面目 冇事發生 撞正台慶區選 花哥保吳璟儁棄藍可盈 人夫吳璟儁嗰頭上封面,呢頭又有報料人 inbox數臭,除咗花心,人緣有幾好,你話呢? ...


三年前結婚時甜蜜蜜影婚照,但據報料人稱,新婚無耐吳璟儁已經原形畢露冷落太太。 讀者提供圖片

真面目

冇事發生 撞正台慶區選 花哥保吳璟儁棄藍可盈

人夫吳璟儁嗰頭上封面,呢頭又有報料人 inbox數臭,除咗花心,人緣有幾好,你話呢?

交往四年,又唔係女方一個人錯晒!因乜解究花哥明保愛將吳璟儁,但係要掟臨離職的藍可盈去全人類都知危險嘅巴黎?擦鞋不力又要疑似做小三,你話出起事上嚟邊個幫?

所以話活到老學到老!多得大台新聞部男女密友主角吳璟儁同藍可盈,《 FACE》何只上了寶貴一課?你今日又學到嘢未?

是是旦旦又愈嚟愈似正苦喉舌,大台新聞部精英走一個少一個,剩番嗰班仲要疑似亂搞男女關係,換着你係花哥,罰好定唔罰好呢?上期本刊踢爆人夫吳璟儁背妻夜會藍可盈,新聞部高層袁志偉震怒急 call涉事人等照肺,後話如何?本刊收到報料人微波傳送,為大局着想,極有可能為保愛將大事化小!

男女主播被爆交往四年,據悉高層袁志偉雖然震怒,不過要保住收視、旗下資深記者又走得七七八八,最終決定力保愛將。

袁志偉爬到今日總監地位,出名因為有政治手段識討老闆歡心,今次都為大局,一於大事化小保住吳璟儁。 《蘋果日報》圖片

除埋婚戒

早話過吳璟儁同藍可盈密友關係人盡皆知,上期封面出版後,又有熟悉二人事跡讀者熱心報料,原來人夫同疑似小三一樣人緣差,整個新聞部眼見事情爆大鑊,最痛心最關心都係曾經在新聞部共事、後為扶丈夫事業一把,轉職去區議會做公關的吳太鄭悅朗。

據報料人稱,三年前婚禮上吳璟儁喊晒口又話「 forever today」,甜蜜承諾無耐已經被自己打破。 讀者提供圖片

愛將娶老婆,袁志偉被當上賓招呼,據悉親中又愛玩辦公室政治,袁志偉睇好吳璟儁就係因為吳為人似足自己。 讀者提供圖片

新聞部明文規定主播不得在社交網絡發表個人感言,所以事發後藍可盈保持沉默,私人面書亦只得行外朋友生活照。 讀者提供圖片

據悉,丈夫一個星期起碼幾晚唔歸家,人稱「朗朗」的鄭悅朗婚後無耐就獨守空房、以淚洗面;而結婚當日喊晒口話「 forever today」嘅吳璟儁除咗有知己藍可盈,還經常借傾公事約會其他靚女主播,近年幾索性明目張膽除埋婚戒。身為首席記者、時事主持,人格公信雙雙成疑,明明應該被嚴懲,誰不知照完肺口頭警告完,卻極有可能被花哥放過。

原來明知大件事、明知影響形象,花哥礙於臨近台慶、週日又係區議會選舉,旗下資深記者所剩無幾又想新聞部條數好好睇睇不被影響,同其他管理層一致協議保男棄女,等遞完辭職信嘅藍可盈自動離場就當無咗件事喎!無是非無黑白仲要隻眼開隻眼閉,試問咁嘅新聞部報新聞,邊個信?

報料人話即使吳璟儁婚後,照樣被高層刻意安排同藍可盈情侶檔出鏡,認為公司行徑極為荒唐。 電視畫面

知情人士指出以往一直婚戒不離手的吳璟儁由一年前開始不戴婚戒,不過本刊翻查新婚至今出鏡片段,吳璟儁似乎一直沒有出鏡戴婚戒習慣。 電視畫面

至於吳太鄭悅朗婚後從來唔見晒恩愛,只得面書封面主頁照,擺到明提醒自己要啞忍。 讀者提供圖片

盛傳已遞辭職信,就快離職一樣冇好日子過,連網友都覺大台派藍可盈飛巴黎明針對。但亦有指女方只咁啱一個人去巴黎旅行散心,臨危受命,所以咪牌都冇。 電視畫面

男主播 N係性鬥士?

首席已婚男主播爆出另有紅顏知已,仲被同僚數臭溝女史一籮籮……咦?戰鬥力咁強嘅性戰士,咁似離巢主播陳珍妮《新聞部血淚史》嗰位自誇性能力嘅男同事 N嘅?週一本刊致電陳珍妮,佢就話同吳璟儁絕無交流,暗示對方並非自誇性能力的男同事喎。咦?原來大台新聞部唔只吳璟儁一個性鬥士?

去年書展出書爆新聞部秘史,陳珍妮話男同事 N明明有女朋友,夜媽媽一樣撩飲酒,轉話題講戒煙一樣俾 N兜番轉頭:「啲人成日話食煙會唔得,但係我未戒煙都好勁囉!」

採訪、撰文:娛樂組

鍾意就快D Share啦!