現年36歲嘅王菀之（Ivana）同男友「Figure王」蘇卓航（Eric）拍拖2年，今日光棍節Ivana喺微博公告脫離單身，並引用自己歌曲《好時辰》嘅歌詞寫道：「『遇上你 太感恩 不遲亦不早』 感謝天父 感謝父母 感謝所有好兄弟姊妹 感謝大家 也祝福天下有情人終成眷屬，白頭偕老，攞個彩先 - "Eric So, you're SO LUCKY.」
Ivana甜蜜回應婚訊表示當時二人單身，經好朋友介紹，因同樣熱愛藝術而走在一起，2013年中開始拍拖，2015年四月於Eric So在韓國自己的藝術展覧時求婚，二人同樣愛藝術，從事藝術，愛旅遊，價值觀相約，所以很適合對方。
Ivana稱：「4月19日係金像獎頒獎禮，但4月18日我同Eric喺韓國首爾忙緊佢嘅展覽，所以18號我一定要返香港。就係去機場嗰程車，佢攞咗隻戒指同我求婚，當時心情好激動。金獎像有冇獎都未知，但就好想率先頒一個最佳女主人獎畀我。」
原來Ivana同Eric喺上個月已經去咗婚姻登記署排期註冊，兩人同樣報稱係藝術家。Ivana出道後甚少緋聞，之前曾同張敬軒傳過拍拖，但眾所周知軒仔有同性密友關智斌，Ivana同佢嘅緋聞純屬煙幕，其後佢同唱作歌手Alex Fung、填詞人陳詠謙和梁柏堅都傳過緋聞，但Ivana從來冇承認戀情；至於Eric就係女星殺手，先後同盧巧音、蒙嘉慧和杜如風拍拖，情史比Ivana更精采。
據傳前年杜如風同Eric感情發生問題陷冷戰，Ivana即把握機會主動出擊，處處對Eric表現關心兼噓寒問暖，聲音嬌嗲嘅佢成功冧掂Eric，令佢主動向杜如風提出分手，不過Ivana呼冤話：「我完全冇搶任何人男友，至於同居就係一時時，有時候工作太忙，連見面都難，希望亂寫嘅內容唔好影響我嘅朋友，當漫畫睇一笑置之，謝謝！」
|
鍾意就快D Share啦！
|
|
|