港大 SPACE 文青獨愛中國風設計 [FACE - 442 - 大專校園] MF,

余麗萍　 Rita

香港大學專業進修學院設計系 Top Up Degree Yr.1

身高 173cm的 Rita每逢長假就會回江西渡假，「喺江西生活好悠閒，喺屋企聽吓歌、去公園餵吓魚就一日，但喺香港做同樣嘅嘢會有一種莫明嘅罪惡感，會覺得咁樣用啲時間好奢侈！」

U花 U草

港大 SPACE　文青獨愛中國風設計

中港矛盾有增無減，有內地人嚟到香港急急想撇咗陣蝗味，不過都有內地人嚟咗香港多年仲係掛住家鄉，人在心不在。

10歲由江西來港的余麗萍（ Rita）是典型的中國姑娘，畫畫、寫詩、書法樣樣精，頭髮留過腰、穿的是飄逸長裙、用的是梨木做嘅首飾盒，別名叫萍兒的她就算去唱 K，都會選唱鄧麗君這一類老歌，中國味濃到入血。

廣東話完全冇鄉音的 21歲 Rita，香港急速的生活令她更掛念家鄉的慢活節拍。讀高級文憑時的 Rita GPA3.7，要升上大學讀學士課程理應十拿九穩，卻因堅持中國風令她升不到她心儀的理大設計系，「我曾經對中國風好著迷，我讀 design嘅每份功課都以中國風取材，有老師讚過我用呢個主題好特別，功課都好高分，不過慢慢發現局限咗自己嘅眼界。有同學 GPA低過我都入到理大讀設計系，我高分反而入唔到，之後諗番主要係同我嘅中國風 portfolio出問題，唔夠多元化，加上香港人都唔太接受中國味濃嘅設計。所以升咗上 Top Up Degree之後，我開始喺功課入面加入其他元素，嘗試接納唔同嘅文化。連我留咗好耐嘅長頭髮我都把心一橫剪咗佢，就係想自己跳出框框！」

Rita與男友都對中國風有種情義結，「我以前會上 Qooza（網上 blog）分享自己嘅畫作、詩作，亦都係咁識咗現任男朋友，我都好欣賞佢嘅文學作品，我哋一齊就快五年，偶爾仲會以書信來往。」

長頭髮時的 Rita散發出一種古典美，就連衣着打扮都不像一個未過 20歲的少女。

書法、畫畫是 Rita的最愛，所以去到邊都紙筆隨身，一份以自畫像為題的功課， Rita就畫了自己融入山水當中，「老師覺得作品好特別，亦都拎咗好高分！」

撰文：葉浩婷

攝影：林迅景

化妝及形象： Kika Wong

鍾意就快D Share啦！

下一篇 》