| 一向惜肉如金嘅Kelly，今次大解放，真係令人不禁大叫索爆！ | next 1/1 pre |
 | |
| 會唔會係Kelly史上最低胸？ | next 1/1 pre |
 | |
| 愈減愈瘦，最後搞到邊跳邊甩褲。 | next 1/1 pre |
 | |
| 另一套衫都一樣低胸上陣，仲要配合勁歌熱舞。 | next 1/1 pre |
 | |
| Kelly一出場，一班型男Model即刻大叫「Oh My God！」 | next 1/1 pre |
 | |
| 老公真係唔會呷醋？ | next 1/1 pre |
 | |
| 等你個MV出街！ | next 1/1 pre |
天后陳慧琳（Kelly）日前為演唱會主題曲《Let's Celebrate》拍攝MV，導演莊少榮安排在中環一間夜店內拍攝，除了舞蹈員與Kelly一起狂跳外，他們更請來一班赤裸上身的大隻型男model到場，大騷六舊腹肌陪Kelly於MV中狂歡！
低胸吊帶look曝光
一眾班型男Model現身即令拍攝現場「嘩嘩」聲，到Kelly換好Bra top準備拍攝時，一班型男Model見到低胸性感的Kelly，反而全向着她大叫「Oh My God！」現場歡呼及口哨聲不斷，令Kelly都有點不知所措和尷尬：「佢哋夾住我喺中間，我摸又唔係，掂又唔係，最初都有啲唔知點好，後來死就死啦，都要放開啲拍出嚟先好睇架，所以就有掂吓掂吓，又有摸吓少少咁囉。不過大家熟咗就冇事，我哋都係專業架嘛！（驚唔驚老公呷醋？）唔驚，佢都應該唔會呷醋，我都係拍MV，工作嘛，佢好了解。」
七年冇蒲夜店
Kelly亦坦言已經七年多沒有到夜店蒲，故當踏入拍攝現場時即感覺興奮，想起之前可以夜蒲的日子，笑言：「好多年冇去呢啲地方玩，我記得有一年萬聖節玩得最癲，扮鬼扮馬喺蘭桂坊玩，玩完就即刻上機飛去溫哥華做騷，因為時差飛到過去嗰邊都仲係31號，變咗又過多一次萬聖節，又再出去玩多次，連續瘋狂兩個晚上，嗰次真係好開心！尤其係萬聖節，我最鐘意啲鬼、古怪、恐怖刺激嘢！不過老實講我成世人都只係去過三次夜店玩，我人生係咪好苦悶呢？」
太瘦邊跳邊甩褲
而Kelly亦表示到了拍攝MV當日才知自己瘦了很多：「諗住自己咁高，着S碼的褲都得啦，點知原來瘦到着S碼都邊跳邊甩，一路拍跳舞個啲鏡頭，一路抽褲頭，後來要補幾針釘窄條褲頭先搞得掂。」
舞后上身 發夢都跳舞
另外，此曲由合作無間的雷頌德作曲，小克填詞，而日前Kelly把排舞片段放上網，不足三日，已有過百萬人看過，亦有逾五十萬點撃率，令她非常開心，亦有不少歌迷留言寫「我們的勁舞Dancing Queen 回歸了！」對此Kelly表示：「好開心大家滿意，令我充滿力量！其實今次演唱會同過去真係好唔同，唔只呢首狂跳，今次有一半都會係快歌跳舞，係一個盛大嘅二十周年聖誕party！我每晚連發夢都夢到自己喺到跳舞，排完舞又要同老師操唱功，體能上需要好多力量，所以最近愈嚟愈瘦，啲衫褲改完又改，我已經瘦到唔可以再減啦，要食番正常餐，先夠能量去做跳舞動作同唱歌！」
|
鍾意就快D Share啦！
|
|
|