掃呢頁CODE去手機

2015年11月19日 星期四

甩周永恒  Ruby忙洗底 [壹週刊 - 1341] Ruby,周永恒,M1,劉伊靜

全力搞好 model公司的 Ruby,同客戶開完會,笑到四萬咁口,應該有生意上門。 娛樂偵訊 甩周永恒  Ruby忙洗底 港視小花劉依靜 Ruby去年介入周永恒同趙頌茹婚姻,孭住小三包袱冇工開,更一度因為壓力搞到停經,直至三個月前 ...


全力搞好 model公司的 Ruby,同客戶開完會,笑到四萬咁口,應該有生意上門。

娛樂偵訊

甩周永恒  Ruby忙洗底

港視小花劉依靜 Ruby去年介入周永恒同趙頌茹婚姻,孭住小三包袱冇工開,更一度因為壓力搞到停經,直至三個月前正式飛甩周永恒, Ruby上月復出客串舞台劇《有限人生無限愛》,又積極為自組的 model公司開會傾 job,洗底玩過!

踎低湊細路

同人夫周永恒一年情玩完,有指小三 Ruby要負責對方生活費,貼錢瘟仔花過二十萬,不倫戀爆鑊後, Ruby壓力爆煲,出現驚恐症又停經。痛定思痛,收埋自己一段時間的她,最近重新開始,重投工作。

上週四(十一月十二日), Ruby現身黃大仙中心,為自組的 model公司約了客戶開會,之後接了個小妹妹和兩個 model,到廣場中庭影 PR相,全程在旁監督的她,對小妹妹特別照顧,不顧自己著住短裙,照踎低陪小妹妹玩,中途又主動去買嘢食給大家醫肚。「 Ruby自己本身都係 model,所以佢好明白做呢行嘅苦樂,佢間公司除咗幫 model接 job,仲會幫人搞 event,啲客都覺得佢做嘢有交帶,所以就算間公司規模唔大,都一樣 keep到客。」知情者說。

為周永恒賠上事業,小三教訓不淺!

「已經放低咗!而家全心投入工作,每一日都過得好充實好開心,近期公司做埋 kol(即 blogger、 YouTuber)同埋 marketing方面嘅嘢,範疇廣泛咗,亦同其他人合作多咗,我會全力搏殺,追番之前失去嘅;另外仲籌備緊開私房菜,學多咗好多嘢,好似餐廳管理、裝修等等。好感恩自己仲有機會!」 Ruby說。

Ruby主動幫 model整理頭飾,非常細心。

Ruby對住小妹妹母愛大發,肉緊拎住公仔陪玩。

妹妹扭計, Ruby唔理自己著住裙,照踎低勁氹,搞掂有糖食。

唔會再做小三

一段錯愛,令 Ruby明白到,親人的愛,才是義無反顧。

「之前我收埋自己,嗰段日子因為驚恐症,成日手震又驚見人,全靠屋企人照顧同體諒!(同 Roy有冇聯絡?)無喇!我好後悔自己當初唔夠成熟,好多事處理得唔好又唔識 say no!但都過咗去,而家最緊要大家都生活開心!」經歷教訓, Ruby學識保護自己,亦聲言不會再做小三。

「梗係唔會,呢一世都唔會!我已經學識咗,唔可以盲目去愛一個人,要識得顧及家人同朋友感受,同愛惜自己。」 Ruby說。

主動去買嘢食給工作人員醫肚。

上月, Ruby獲導演黃偉賢邀請,參演舞台劇《有限人生無限愛》,同徐肇平及黃芷晴做對手戲。

曾在港視劇《惡毒老人同盟》飾演郭鋒少妻的 Ruby,因為小三包袱,一度零 job冇人搵。

撰文、攝影、攝錄:娛樂組

鍾意就快D Share啦!