掃呢頁CODE去手機

2015年11月19日 星期四

馬家軍回家救亡 新舊《愛.回家》大混亂 [壹週刊 - 1341] 愛.回家,M1,

早前大台節目巡禮,已安排新舊《愛•回家》演員一齊出場,預告一班舊人會回歸。 探熱針 馬家軍回家救亡 新舊《愛.回家》大混亂 無綫新一輯《愛•回家》抽走劉丹為首的馬家後,變成由班「愛瑜伽」奀星龔嘉欣、張振朗、坤哥吳業坤等人孭飛,拖死 ...


早前大台節目巡禮,已安排新舊《愛•回家》演員一齊出場,預告一班舊人會回歸。

探熱針

馬家軍回家救亡 新舊《愛.回家》大混亂

無綫新一輯《愛•回家》抽走劉丹為首的馬家後,變成由班「愛瑜伽」奀星龔嘉欣、張振朗、坤哥吳業坤等人孭飛,拖死收視更劣評如潮。

死期已定!《愛•回家》明年五月做夠一千集正式收檔,但尚有成一百集要「獻世」,為防收視愈插愈深,搏攞番個尾彩的大台,失驚無神急召馬家全家歸隊,搞到台前幕後陣腳大亂,搞到「家變」。

新不如舊

第一輯《愛•回家》去年七月打柴後,無綫原本有意推出另一部處境劇接棒,可惜新劇陣容包括黃翠如、張繼聰、龔嘉欣、吳業坤及麥長青等唔夠力, call唔到廣告,最後被迫換湯不換藥,改番做《愛•回家》,但新不如舊,由四個新人龔嘉欣、坤哥、張振朗及何君誠做主線,觀眾勁唔 like,收視亦由之前平均廿五、六點,插落廿點至廿二點間徘徊。

雖然大台已決定,一千集就摺埋,但距離「死期」還有一百集,惟有搵救兵幫手吊命,下令重召馬家(劉丹、徐榮、黎諾懿、林漪娸及蔣家旻)返屋企助陣,主線亦由班新人轉移到馬家。據了解,「馬家軍」將於九百集開始再出場,但由於兩輯《愛•回家》幕後班底,包括導演、監製及編劇都不同人,臨時臨急要將故事重心「大挪移」,劇組陣腳大亂。



暫時得馬家有得回歸,但相信稍後時間,飾演律師樓一班演員都可以重返《愛•回家》。



得知一班舊人入侵,四個新人知道戲份會被減,龔嘉欣更留言話:「就算多大多少的石頭也不能阻擋我們……」

劉丹同林漪娸在上星期已經有份參與新版《愛•回家》拍攝,劇情講到他們去到麥包的海味鋪幫襯。

大台幾個月前已影定明年月曆,《愛•回家》都有份,當時已安排了部分舊人(黎諾懿、張達倫同黃子雄)參與。

一人分飾兩角

「新嗰班編劇根本就唔知上一輯個古仔講乜,連啲人物性格同關係都完全唔了解,突然間要加番馬家嘅人,真係好高難度囉!萬一有啲乜嘢連接唔到或者搞錯,到時肯定俾觀眾插爆,最弊係有啲演員係兩輯都有份做,好似龔嘉欣,上一輯係馬柔(郭少芸)男友裘亞城(黃德斌)個細妹,但新一輯就已經變咗另一個新角色,之後又會同馬柔有對手戲,咁究竟龔嘉欣會以邊個身份出現,劇情究竟點交代?班編劇而家都𢱑爆頭。」一名幕後工作人員說。

除了有演員分飾兩角問題外,兩輯劇情如何銜接也是一大問題。上一輯的《愛•回家》結局,馬子仁(羅天宇)被交代與高秀蘋(阮兒)結了婚,今次回歸名單中,阮兒最初沒有份,因為新一批編劇,根本不知道馬子仁已經結婚,後來被演員提起,編劇才即時補入。

新版由開播至今都劣評如潮,黃翠如同張繼聰拍了兩個月後就跳船,唔肯再拍落去。

黎諾懿同劉丹重返救亡,希望最後一百集可以收視回升。

亂晒籠

馬家拆散晒

人物關係大混亂,布景方面一樣出現災難。

「上一輯拍完之後,馬家個主景已經拆晒,冇諗過會用得番,所以啲嘢散咗去唔同地方,依家想搭番個同以前一模一樣嘅景,根本冇乜可能,仲要諗吓使唔使喺劇情交代吓點解個家唔同咗樣,所以喺馬家回歸初期頭十幾集,都唔會有屋企劇情,等道具部有多啲時間重建馬家。」一名工作人員說。

黎耀祥爆響口話做完《愛•回家》後,佢同毛舜筠會接手下一部處境劇,好大機會開《畢打自己人 2》,大台冇新意又炒冷飯。

龔嘉欣上一輯以黃德斌細妹身份同黎諾懿及郭少芸有唔少對手戲,稍後她又以另一角色同佢哋都有唔少對手,相信觀眾會睇到好混亂。

馬家連布景都冇埋,所以回歸初期,唔會有這一類溫馨全家食飯場面出現。

撰文、攝影、攝錄:娛樂組

鍾意就快D Share啦!