掃呢頁CODE去手機

2015年12月3日 星期四

陳嘉桓實習做媽咪 [壹週刊 - 1343] __,陳嘉桓,M1,

自小父母離異,身為大女的陳嘉桓一直努力照顧家人,媽咪Ronnie待產期間,做柴可夫車出車入照顧大肚婆,而家細佬出世,亦貼身照顧兩母子。同你吟一吟陳嘉桓實習做媽咪自從今年年初,陳嘉桓經理人兼媽咪Ronnie宣布再婚,下嫁白鶴派武術宗師陸智夫個孫Johnson再大埋個肚,陳嘉桓已經做足心理準備,照顧大肚媽咪,做個孝順女同好家姐。細佬Jaxton八月出世,陳嘉桓即刻將兩姊弟第一張合照放上社交網站,剛剛度 ...


自小父母離異,身為大女的陳嘉桓一直努力照顧家人,媽咪 Ronnie待產期間,做柴可夫車出車入照顧大肚婆,而家細佬出世,亦貼身照顧兩母子。

同你吟一吟

陳嘉桓實習做媽咪

自從今年年初,陳嘉桓經理人兼媽咪 Ronnie宣布再婚,下嫁白鶴派武術宗師陸智夫個孫 Johnson再大埋個肚,陳嘉桓已經做足心理準備,照顧大肚媽咪,做個孝順女同好家姐。

細佬 Jaxton八月出世,陳嘉桓即刻將兩姊弟第一張合照放上社交網站,剛剛度過 23歲生日嘅陳嘉桓,上個禮拜仲陪媽咪同細佬去中環 shopping。

雖然俾人誤會個 BB係佢生,但陳嘉桓唔介意,全程幫媽咪攞住個奶粉袋行街。後來一家三口行去搭的士,可惜等極都冇車,於是行番入置地,改搭港鐵走人,陳嘉桓仲好細心,同媽咪夾手夾腳抬架 BB車落扶手電梯。曾經講過想 25歲前做媽咪嘅陳嘉桓,幫手湊細佬絕對係最佳實習機會。

行完街,兩母女原本想坐的士,可惜截唔到車,惟有行番入商場改搭港鐵,兩母女更夾手夾腳抬架 BB車落電梯。

媽咪負責推 BB車,陳嘉桓就幫手孭奶粉袋,母女分工合作。

細佬 Jaxton八月出世,陳嘉桓即刻影相放上社交網站,將喜事公告天下;上月佢 23歲生日,又同細佬一齊切蛋糕慶祝。

Ronnie搵到好歸宿,聽講 Johnson家境唔錯,長輩亦唔介意 Ronnie曾經結過婚。

撰文:八珍

鍾意就快D Share啦!