一家三口買完玩具俾囡囡，Sergio馬上發現《壹》仔鏡頭，相當好眼力。同你吟一吟梁詠琪B女 鍾意開快車唔經唔覺，GiGi梁詠琪同佢位西班牙老公Sergio所生嘅混血B囡已經九個月大，集合父母優良DNA，小公主Sofia唔單只快高長大，個樣仲生得相當精靈。八珍聽二五講，Sofia好少喊，反而一日笑到黑，令新手媽咪GiGi，減輕唔少壓力。早排《壹》仔路經中環，見到佢哋一家三口行街購物樂，出名有「千里眼 ...
一家三口買完玩具俾囡囡， Sergio馬上發現《壹》仔鏡頭，相當好眼力。
同你吟一吟
梁詠琪 B女 鍾意開快車
唔經唔覺， GiGi梁詠琪同佢位西班牙老公 Sergio所生嘅混血 B囡已經九個月大，集合父母優良 DNA，小公主 Sofia唔單只快高長大，個樣仲生得相當精靈。
八珍聽二五講， Sofia好少喊，反而一日笑到黑，令新手媽咪 GiGi，減輕唔少壓力。早排《壹》仔路經中環，見到佢哋一家三口行街購物樂，出名有「千里眼」嘅 Sergio，好快已經見到《壹》仔鏡頭，兩公婆即刻戴番副黑超，行快半步避上鏡，反而舒舒服服坐喺 BB車嘅 Sofia，對於媽咪突然「超速駕駛」，表現相當興奮，不斷望住 GiGi騎騎笑，見到呢個笑容，莫講話佢嘅爸爸媽媽，《壹》仔個心都甜埋一份。
兩公婆戴番副超、行快兩步避上鏡，小公主 Sofia對於媽咪突然「開快車」表現興奮，撐直手仔腳仔不斷騎騎笑。
