梅艷芳最後一批遺物拍賣，今日傍晚六時截止競投。這批合共3,100件的遺物拍賣當中包括有新秀金獎、金像獎及手袋服飾外，亦包括阿梅的內衣。成交價最高為底價$1,000的第一屆新秀歌唱大賽金獎，尾段最後衝刺期間競投最激烈，12分鐘內由$550,000升至$1,550,000成交，合出價50次，要延遲約15分鐘才結束拍賣。最後由梅艷芳國際歌迷會投得。
據知，阿梅生前契妹羅美薇的老公張學友、好友曾志偉、譚詠麟和成龍等，為免阿梅有紀念價值的遺物散落四周，聯手無上限競投阿梅的獎項、CD、歌衫、相簿、剪報，還有阿梅生前珍藏舊愛近藤真彥的一系列黑膠碟和唱片，目標約共400項遺物。
由於今次遺物眾多，故亦需分工合作。梅艷芳國際歌迷會會長蘇小姐接受《蘋果》電話訪問時，表示今次分工是由歌迷會競投獎座，阿梅的私人物品則由阿梅生前好友包括曾志偉及演藝人協會成員等代為競投。
蘇小姐表示，今次歌迷會用了逾200萬，成功投回約42個獎，包括新秀金獎、第四屆金像獎最佳女配角(《緣份》，成交價為$85,000)，十大勁歌金曲獎(《胭脂扣》，成交價為$220,000)等等。
蘇小姐說:「知道遲早會攞出嚟拍賣，滙豐一定要攞出嚟拍賣，攞現金用，冇法，程序上係咁樣，錢方面要run落去，有時都覺得好可惜，但另一方面諗，拍賣歌迷可以擁有物品作為紀念。」至於阿梅的泳衣和內衣被拍賣，蘇小姐歎道:「當然唔想，內衣係比較私人，尷尬啲，唔係我哋控制，冇辦法。」
|
鍾意就快D Share啦！
|
|
|