黃曉明一向孝順，阿媽（右二）出到聲想抱孫，海綿蛋糕梗係心急（網上圖片）
真面目
邊有時間 奶奶恨抱孫 忙到 2017 Baby唔聽話拒生 baby
今年 10月與黃曉明舉行世紀婚禮的 Angelababy（楊穎），近年在內地人氣直迫一線花旦，微博粉絲人數竟然高達 6,800萬！
人氣高自然多人搵， Baby現時在影圈非常搶手，單計今年已拍了 7部電影，加上長拍長有的綜藝節目《奔跑吧兄弟》同其他代言活動， 1年得 365日真係唔夠用！ 26歲正值事業搏殺期，弊在奶奶講明恨抱孫，日日催生 B。雖然老公都出聲想做爸爸，不過 Baby下年仲有幾套戲在手，忙到 2017。做媽媽？等下先
自從公開與黃曉明戀情後， Baby在內地發展一帆風順，幾乎所有製作單位都爭住用 Baby。產量驚人， 2015年除接拍了 7套電影， Baby亦首次拍電視劇《雲中歌》，而《奔跑吧兄弟》更連續 3季起用 Baby做唯一女主持，曝光率高得嚇人！
落閘唔生住
唔使靠老公都搵到食， Baby當然想繼續衝！不過奶奶在婚禮當日公開透過傳媒迫新抱盡快生 B，講明「多生幾個小 Baby，男女都無所謂，最好是龍鳳胎吧！」而黃曉明近日亦不斷露口風，表明恨生女，「我想趁年輕生，我的下個理想狀態是做個好爸爸！」
奶奶老公不斷出招催生仔，暫時未準備好做媽媽的 Baby，日前宣傳新戲《尋龍訣》時還擊，「現在我倆都還年輕，應該為事業多拼搏，這樣老了才不會後悔。」
升呢拍西片
其實 Baby現時身價不斷上升， 2015年最新女星薪酬榜顯示， Baby每套電影收 600萬、電視劇收 40一集， 44集的《雲中歌》已為 Baby帶來 1,760萬人仔收入！
而且 Baby近年開始受荷里活注目，今年拍了西片《刺客特攻 47》，早前又在大片《天煞—地球反擊戰》續集演機師，戲份唔多但起碼升呢做「國際女星」。至於明年上映的華語大片、由梁朝偉及黎明主演的《擺渡人》， Baby則擔正做女一，加上與阮經天合作的《謀殺似水年華》，與及拍住井柏然的《微微一笑很傾城》同樣都係女主角，你叫 Baby點捨得推戲去生 B呢？
下巴去哪兒
Baby早前去做整容鑒定力證自己純天然，不過唔少有睇今季《奔跑吧兄弟》的網友，發現 Baby近期冇咗個月亮下巴！有圖有真相，使鬼去鑒定咩！
Baby前年的下巴似足《奪命狂呼》個面具，下巴尖到㓤死人；而今年個下巴離奇又圓又短，真係要請吳若希問下「點解嘅？」
事隔 1年， Baby的下巴從側面睇，明顯冇咗一截！
採訪、撰文、攝影：娛樂組
|
鍾意就快D Share啦！
|
|
|