周子揚噚日大爆被前女友何傲兒嘅家姐何傲芝苛索每月廿萬生活費，更指「兒子戀」分手係因為何父何世根俾咗唔少壓力(新聞連結：http://bit.ly/1OOnKgR)，事後，何傲兒揚言會以法律途徑追究。今日《蘋果》記者周子揚，問佢擔唔擔心畀人告？佢表示：「我將真說話講出嚟，曾經真係佢家姐何傲芝，確確實實問我要求畀每月生活費，如果唔係，唔好同佢個妹繼續拍拖，確確實實問過我攞廿幾萬去交稅。我講嘅全部屬實，唔知佢嘅律師信係關乎啲乜嘢。」當時有冇錄音證據？佢話：「冇，佢(何傲芝)打畀我時都好突然，語氣仲有少少要脅成份，幾兇，我當時都好驚。」有冇壓力？佢又指：「呢啲事係唔開心，但身邊屋企人、朋友都好支持我咁去做，有啲事如果長期抑壓喺心裡面，不如將最真實畀大家睇到。」
| (資料圖片) |  (資料圖片) |  (資料圖片) |
 (資料圖片) |
來源 source: http://hk.apple.nextmedia.com
|
鍾意就快D Share啦！
|
|
|