年廿八洗邋遢，眼看農曆新年將至，不少人終於「扚起心肝」計劃落手大掃除。莫睇小香港地蝸居區區幾百呎，但斗室之內到處都可能藏污納垢，廚房重地更是滿佈油煙。不想花整天假期打掃後依然「一頭煙」？即刻按達人教路，一齊用梳打水及牙刷將廚房重新變成「鑞鑞睖」。記者：佘錦洪家務助理Lily於2005年完成僱員再培訓局課程，從事全職家務助理至今，動手清潔深得「快狠準」真諦，「人哋畀咁多錢一個鐘，時間就已經係賣咗畀人」，更經常鑽研不同清潔方法，「可能自己有潔癖，見到唔乾淨就唔舒服」。廚房絕對是家中清潔「黑點」。開始清潔前Lily教路要準備好梳打水及新牙刷。她指只要將用於煮食醃肉的梳打粉倒於水中溶解，即可變成去油劑，「佢又食得，又唔傷手，最啱廚房用」，牙刷則方便清潔各種小縫隙。她指清潔時最好由上向下做，以防灰塵或污垢重新沾到已打掃乾淨的地方，首先會先將清潔劑噴灑在廚房的瓷磚牆上，等污垢稍稍溶解後，再以清水抹洗。第二個清潔的是抽油煙機及抽氣扇。Lily指因煙機濾網或抽氣扇扇葉上通常有厚厚油跡，需拆下並浸泡於熱梳打水約15分鐘，即可輕易擦去上面的油污。煙機排出污油的油嘴經過一年使用會積存油垢，只要以牙刷包裹毛巾並慢慢旋轉，即可輕易挖出污物。而用於盛載污油的油隔，即使用強力清潔劑清洗亦難免有油膩感覺。她指可用保鮮紙及廚房紙包起油隔，下次清潔只需丟棄吸滿油的紙並更換新保鮮紙即可，方便省時。爐具是廚房靈魂，不少家庭為求安全已轉用電磁爐。Lily稱電磁爐清潔簡單，只需抹去表面油污即可，但要注意細縫，可用牙刷沾梳打水刷去污物。至於氣體爐具則要主要清潔出氣嘴，同樣是先拆下再浸泡梳打水除油，如氣孔有堵塞可利用牙籤疏通。微波爐及焗爐亦是常用煮食工具，惟因經常關起易產生異味。她指可將幾片檸檬放於水中，再放到爐內加熱，利用檸檬去辟味，同時靠蒸氣及熱力配合毛巾清潔去爐壁。雪櫃是儲存食物重地，除抹內壁及表面外，Lily特別提醒要抹門縫膠邊。一翻開膠邊，裡面往往藏有發黃或發黑的污跡，容易滋生細菌，可利用牙刷刷去，再以清水抹淨。如果想學如何清潔廁所及門窗，請留意星期日另一條「動醒晨」。但若想聘用如Lily般專業的家務助理，可到再培訓局「樂活一站」網站登記，本月22日前使用服務可獲免費單次勞工保險。網址：http://www.erb.org/smartliving
【廚房清潔小Tips】
1. 先用清潔劑噴灑瓷磚牆，待15分鐘令污垢溶解，再以清水抹洗
2. 拆下抽油煙機濾網/抽氣扇扇葉，放於熱梳打水中浸泡約15分鐘，可輕易擦去油污
3. 以牙刷包裹毛巾伸入抽油煙機油嘴，慢慢旋轉即可挖出油污
4. 用保鮮紙及廚房紙包起油隔，下次清潔只需更換新保鮮紙，方便省時
5. 將氣體爐具出氣嘴浸泡於梳打水中除油，再以牙籤疏通堵塞氣孔的污垢
6. 將檸檬水放於微波爐/焗爐中加熱，辟味同時利用蒸氣配合毛巾清潔爐壁
7. 翻開雪櫃門膠邊，用牙刷刷去污垢
| 王俊龍攝 |  王俊龍攝 |  王俊龍攝 |
 王俊龍攝 |  王俊龍攝 |  王俊龍攝 |
|
鍾意就快D Share啦！
|
|
|