掃呢頁CODE去手機

2016年1月13日 星期三

林雅詩唔剝轉行做教煮 [FACE - 451] __,林雅詩,MF,

早前決心與老公溫文英離婚的林雅詩,經過一輪休養後,近日成功增磅,手腳開始有番啲肉哋喎!全知言林雅詩唔剝轉行做教煮早前因為老公溫文英偷食斷正,令林雅詩(Grace)食唔安瞓唔落,結果搞到腸胃炎仲入埋院。最近已經單方面簽字離婚嘅Grace諗通晒,近日活躍返幕前努力搵錢養仔,除咗間中返國內做吓酒吧騷、剪吓綵,早前佢仲幫一個韓國面膜品牌Osanna做埋代言人拍咗個廣告添!「呢個面膜係唔使落妝都用得,我自己 ...


早前決心與老公溫文英離婚的林雅詩,經過一輪休養後,近日成功增磅,手腳開始有番啲肉哋喎!

全知言

林雅詩唔剝轉行做教煮

早前因為老公溫文英偷食斷正,令林雅詩( Grace)食唔安瞓唔落,結果搞到腸胃炎仲入埋院。最近已經單方面簽字離婚嘅 Grace諗通晒,近日活躍返幕前努力搵錢養仔,除咗間中返國內做吓酒吧騷、剪吓綵,早前佢仲幫一個韓國面膜品牌 Osanna做埋代言人拍咗個廣告添!「呢個面膜係唔使落妝都用得,我自己試過真係 work,所以品牌請我做代言人,有得扮靚又有錢賺,梗係好」

一向親力親為照顧囝囝起居飲食嘅 Grace,嚟緊將會自資一個飲食節目。「因為想囝囝身體好,揀食材我好奄尖,既然有咁多年經驗,我都想同其他媽媽分享吓,所以嚟緊會拍啲煮食短片放上網。」話唔定煮出新財路,好似雷太咁俾大台睇中做節目呢!不過切忌做得八婆呀!大台唔 like㗎!

林雅詩即將與海俊傑、梁焯滿、梁敏儀等好友在杭州開網絡電影《變身愛》,「我唔想太性感,所以寧願減戲份,都想形象正面啲。」

之前積蓄唔多,林雅詩惟有搵親表哥 Eric拍膊頭充當助手。

決定同老公離婚,林雅詩同囝囝已經在銅鑼灣另覓新居展開新生活。《蘋果日報》圖片

拍攝當日林雅詩只化淡妝現身,就咁睇真係唔似 37歲喎!

今次為韓國面膜做代言人,林雅詩話又可以扮靚又賺到錢,「商戶可能可憐我所以用我!」


鍾意就快D Share啦!