全知言
最懷念的真．樂壇巨星
上週一（ 11日），經典英國歌手 David Bowie因癌症離世，不論樂壇中人或者市民當然好可惜，畢竟樂壇天王天后走吓一個、走吓又一個，好似 Michael Jackson咁，當年離世有幾轟動就知
今期就同大家回吓帶，多年來離世嘅樂壇巨星，邊個仲值得你去懷念，可能係一首歌、一部戲、一個動作、甚至一個眼神都令你好印象深刻。
謝安琪：夢見哥哥
第一位一定係哥哥張國榮㗎！我真係會發夢同 Leslie拍拖呢啲嘢。就算咁多年後，可能新年又會睇番《家有囍事》，間中又會睇到、聽到哥哥嘅作品，其實我都仲係好懷念佢，同埋覺得佢好似無離開過我哋身邊。
Baby John：迷魂眼神
哥哥係一個好有魅力嘅演員，亦都係一個好壓台嘅巨星，當佢喺台上面、喺螢幕上、甚至同對手，佢每一個眼神、每一個舉動都會令我被迷倒㗎！佢係香港一個好大嘅可惜，太快太突然，我永遠懷念，亦都係一個我永遠值得學習嘅好榜樣。
伍詠薇：陳百強伴成長
我二話不說一定係陳百強。因為陳百強陪伴住我喺中學時代成長，佢每一首歌、每一隻專輯我都擁有。佢嘅離去對我嘅打擊係非常之大，因為佢除咗歌好聽，同埋我鍾意佢個形象。我好鍾意佢隻〈等〉。陳百強，我永遠懷念你， I love you so much！
黃婉曼：睇梅姐跳舞
細細個留喺屋企嘅時候就會聽梅姐唱歌，睇佢啲 MV，睇佢啲演唱會，我嘅首本名曲就係「請將冰山劈開，無謂再抑壓心底愛」，一唱起就會跳起舞。
Shine：永遠家駒
我哋兩個識嘅時候，第一個開始嘅話題都係 Beyond嘅家駒。到玩結他，見到家駒會驅使到我哋彈結他。最初覺得好有型，但係玩到結他之後至發覺，原來結他係一個語言嚟嘅！第一首學嘅結他係 Beyond嘅〈命運是你家〉。
街坊：由《紅 Van》開始愛上 David
咪以為 David Bowie只有 7、 80後至識欣賞，你點會估到 19歲嘅學生哥，竟然因為一部戲而鍾意咗 David Bowie！
即時報料 facepop
熱線： 9222 0828
電郵：facenews@nextmedia.com
facebook： Face Magazine inbox
line、 we chat id： facemagazine
|
鍾意就快D Share啦！
|
|
|