掃呢頁CODE去手機

2016年2月1日 星期一

【政治因素?】謝安琪逾10場大陸騷突然撻Q:我好內疚 __,大陸,謝安琪,中國,

謝安琪(Kay)今日喺尖沙嘴為4月舉行嘅「拾回謝安琪數愛世界巡迴演唱會」香港站宣傳,Kay露出單邊膊頭,見佢明顯瘦咗,事業線仲若隱若現。記者會上,Kay好友方大同驚喜現身,o氹到Kay好開心。Kay話香港站暫定開兩場,希望可以加爆佢,Kay透露去年開完澳門站之後就返嚟香港,超過10場內地巡唱要暫延:「我自己都好唔開心,有因為咁而喊過,好多地方好似哈爾濱,我未去過,我知好多歌迷都好失望,我覺得同歌迷 ...


謝安琪(Kay)今日喺尖沙嘴為4月舉行嘅「拾回謝安琪數愛世界巡迴演唱會」香港站宣傳,Kay露出單邊膊頭,見佢明顯瘦咗,事業線仲若隱若現。記者會上,Kay好友方大同驚喜現身,o氹到Kay好開心。Kay話香港站暫定開兩場,希望可以加爆佢,Kay透露去年開完澳門站之後就返嚟香港,超過10場內地巡唱要暫延:「我自己都好唔開心,有因為咁而喊過,好多地方好似哈爾濱,我未去過,我知好多歌迷都好失望,我覺得同歌迷嘅承諾兌現唔到,我好內疚。」Kay曾經俾陳淨心無啦啦檢舉,被問到會唔會同政治因素有關?佢話:「好多原因,我冇深究,希望有part 2,到時再去過。」Kay話搵錢係其次,10周年紀念意義重大,仲話呢次巡迴場數仲少過以前嘅演唱會。至於老公張繼聰同囝囝張瞻會唔會上台表演?Kay笑指老公近日忙拍劇,又謂難以摸透囝囝心思:「佢會睇,如果佢真係想上台跳我都畀嘅,但唔好跳太勁囉。」提到張繼聰獲提名金像獎最佳男配角,Kay笑老公係陪跑,因為佢睇好白只:「不過我都同佢講『有得提名,確係好型』。」

Kay表示有超過10場內地騷要暫延 方大同驚喜現身抱抱

鍾意就快D Share啦!