| 兩名中年漢在街頭打架，被嘲笑似拍《葉問》。(Tai Po大埔 fb) | next 1/1 pre |
君子動口不動手，相信大家都有聽教過，但人動怒時很容易失去理智。近日就有網民目睹兩位中年漢於街頭發生爭執，繼而大打出手，又粗口橫飛，場面甚是暴力，有人揶揄場面是否正在拍電影《葉問》，戲謔如身在現場就立刻到便利店買罐啤酒及花生看表演。
網民Gary Yau於社交網站facebook群組「Tai Po大埔」上載一段短片，指有兩個人，於街上發生踫撞，其中一名四眼叔叔表示要報警，另一名路人「睇唔過眼」充當和事佬，斥責四眼叔，其後有巴士到站，和事佬想離去上車遭四眼叔阻止。
片中所見，兩人於巴士車門前糾纏，四眼叔以身擋車門，和事佬則叉其頸部，及連番質問對方為何不讓他上車，巴士司機開口勸喻兩人離開，勿阻車門關閉，四眼叔就突然發難，推開和事佬，並一邊爆粗，一邊對和事佬拳打腳踢，令其倒地，其他途人隨即上前分隔二人。
短片於短時間內已於網絡間瘋傳，有人慨嘆「每日都見到好多呢啲片，香港人壓力就黎爆煲！見戴眼鏡嗰位儲咗好耐氣，準備用大技！」但更多人關注二人使出的「招數」，有網民形容二人「MMA(綜合格鬥)上身，好癲」，有人笑指四眼叔被叉頸後突擊反攻，出手快狠準，又形容他使出「超必(超必殺技)！6 combo(連擊)！」對於有人批評片中其他途人不幫忙相勸，有網民則認為「梗彈開做人肉沙包畀拳風掃中又夠唔抵」。
網民有話說
Joseph Wat：最好笑Ｄ(啲)途人，一開波即刻彈開
Cyrus Cheung：搞咁多為乜…叫司機開另一道門同佢玩下咩叫麻鷹捉雞仔…
Dickson Kwok：睇A(四眼叔)起腳應該唔識功夫，不過佢拍手果下又拍得幾靚
Chris Hung：我估A(四眼叔)控制情緒上好有問題…否則唔會燥完一個又燥第二個
lckiong：幾個加埋百幾歲都仲咁好火氣
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|