09年羅嘉良與老婆蘇岩結婚後便定居北京，近年甚少在港露面。真面目堅冇人 三月返大台開劇 羅嘉良嫌黃心穎未夠班大台唔夠人用，好在去年已揾定廖啟智、方中信、鄭則仕、毛舜筠等人回巢拍劇，靠老臣子救亡啦！最新消息，3年前因檔期問題而一直未能回巢嘅「撈家」羅嘉良，月前已度好靚期，大台仲就晒「撈家」意願，開拍以商業間諜為題材嘅新劇《與謀同謀》，可惜順得哥情失嫂意，女角方面，大台只能安排黃心穎頂上！據知羅嘉良連 ...
09年羅嘉良與老婆蘇岩結婚後便定居北京，近年甚少在港露面。真面目堅冇人 三月返大台開劇 羅嘉良嫌黃心穎未夠班大台唔夠人用，好在去年已揾定廖啟智、方中信、鄭則仕、毛舜筠等人回巢拍劇，靠老臣子救亡最新消息，3年前因檔期問題而一直未能回巢嘅「撈家」羅嘉良，月前已度好靚期，大台仲就晒「撈家」意願，開拍以商業間諜為題材嘅新劇《與謀同謀》，可惜順得哥情失嫂意，女角方面，大台只能安排黃心穎頂上！據知羅嘉良連 ...
09年羅嘉良與老婆蘇岩結婚後便定居北京，近年甚少在港露面。
真面目
堅冇人 三月返大台開劇 羅嘉良嫌黃心穎未夠班
大台唔夠人用，好在去年已揾定廖啟智、方中信、鄭則仕、毛舜筠等人回巢拍劇，靠老臣子救亡
最新消息， 3年前因檔期問題而一直未能回巢嘅「撈家」羅嘉良，月前已度好靚期，大台仲就晒「撈家」意願，開拍以商業間諜為題材嘅新劇《與謀同謀》，可惜順得哥情失嫂意，女角方面，大台只能安排黃心穎頂上！據知羅嘉良連黃心穎係邊個都未知而有微言。其實大台都知撈家心意，不過真係有一線花旦孭到飛至得㗎嘛！
羅嘉良自 09年幫大台拍畢《富貴門》後，便專心北上賺人仔， 09年更賺埋內地有米老婆蘇岩， 13年生埋可愛囡囡羅詠婷，一家三口在內地生活樂也融融。
09年與陳敏之、袁詠儀拍完《富貴門》後，羅嘉良便北上賺人仔，仲結埋婚添！
12年選港姐，黃心穎 13年開始入劇組拍劇，不過大多以客串或女配角演出，雖在《東坡家事》中做過第二女主角，可惜反應一般。（網上圖片）
雖然參與過近 70部劇，但 03年加入大台一直做閒角居多，直到《星夢傳奇》後，鄭俊弘才受公司注意，《與謀同謀》亦是第一次飾演男二。《蘋果日報》圖片
女拍檔走晒
90年代幫大台拍過不少大作的羅嘉良， 12年曾力邀回巢接拍《神探高倫布》，可惜檔期問題，羅嘉良一口拒絕，最後由黎耀祥頂上。
等足 3年，羅嘉良終於放期俾大台， 3月羅嘉良將接拍以間諜為題材的新劇《與謀同謀》。咪以為「撈家」回巢就會列隊歡迎，大台只安排到鄭俊弘和黃心穎參與，據知羅嘉良對此略有微言，始終合作開的都是當家花旦，突然要湊新人，大台雖表示會盡力搵一線花旦頂上，但心知肚明花旦所淨無幾，最佳拍檔宣萱又無期、張可頤又不會回巢，啱卡士的阿佘就忙電影、胡杏兒就睬大台都傻，揀無可揀，怕且「撈家」今次都要頂硬上。本刊上週五（ 29日）曾致電黃心穎問有關新劇事宜，但她以「唔方便回應」為由收線。
其實舊人回歸都未必有特別待遇，好似方中信、廖啟智合作的《律政強人》，女角只有李佳芯和黃智雯；而鄭則仕有份的《火線下的江湖大佬》，都係得陳煒頂住，睇嚟大台真係要努力招女兵啦。
羅嘉良憑《天地豪情》和《流金歲月》攞過 2次「我最喜愛的男主角」，今次回歸，大台有冇用獎作利誘先？《蘋果日報》圖片
13年蘇岩為羅嘉良誕下 7磅 B女羅詠婷， B女於 4月將滿 3歲。《蘋果日報》圖片
08年與前妻方敏儀離婚，雖然囝囝羅裕臹扶養權歸前妻，但羅嘉良偶爾回港都會探囝囝。《蘋果日報》圖片
張可頤與大台反面收場，為咗羅嘉良會回巢？冇可能囉！《蘋果日報》圖片
宣萱其實係羅嘉良回巢嘅最好拍檔，可惜有工作在身嘅宣萱今次真係愛莫能助。
近年羅嘉良在內地劇接劇，雖然娶咗個有米老婆，不過羅嘉良用行動表示，養家靠自己！（網上圖片）
撈家傳奇
羅嘉良 86年已加入大台，拍過嘅劇超過 50部， 98年開始，幾部大劇開始愈來愈多人鍾意，以下呢 4部，除咗《天地豪情》和《流金歲月》令羅嘉良攞埋「最喜愛電視男角色」之外，其餘兩部都好深入民心㗎！
《難兄難弟》 98年
羅嘉良飾演嘅李奇，雖然把聲要吊高 8度，動作、表情都要極度浮誇，但係輕鬆小品反而令觀眾更易受落。
《天地豪情》 98年
初期好賭成性嘅卓尚文令觀眾睇見就憎，但後來發奮圖強，加上和程嘉鳴（郭藹明）合作又令觀眾拍爛手掌。
《創世紀》 99年
當年花咗一億拍攝嘅大劇，葉榮添喺劇入面亦正亦邪睇到觀眾又愛又恨。
《流金歲月》 02年
最初丁善本大奸大惡，不過最終亦為過去行為而承擔責任，又係一個改邪歸正嘅故仔。
