網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月3日 星期三

3點不露 豁出去拍《鴨王 2》 剝盡文凱玲:冇人望仲驚! [FACE - 454] __,文凱玲,鴨王,MF,

雖然Connie工作上不時要性感上陣,不過佢仍然堅持3點不露,仲話唔驚將來嘅男友會接受唔到自己,因為每個人都有自己嘅過去喎!真面目3點不露 豁出去拍《鴨王2》 剝盡文凱玲:冇人望仲驚!為咗做明星,港大心理學畢業嘅文凱玲(Connie)唔只放棄進修機會,仲辭埋穩定嘅空姐工作選港姐,被大台棄用後則簽埋王晶公司做新一代晶女郎,瞓身入行!自知33歲年紀唔細,文凱玲最近喺擔正嘅新戲《鴨王2》剝到盡,就算冇清 ...


雖然 Connie工作上不時要性感上陣,不過佢仍然堅持 3點不露,仲話唔驚將來嘅男友會接受唔到自己,因為每個人都有自己嘅過去喎!

真面目

3點不露 豁出去拍《鴨王 2》 剝盡文凱玲:冇人望仲驚!

為咗做明星,港大心理學畢業嘅文凱玲( Connie)唔只放棄進修機會,仲辭埋穩定嘅空姐工作選港姐,被大台棄用後則簽埋王晶公司做新一代晶女郎,瞓身入行!

自知 33歲年紀唔細,文凱玲最近喺擔正嘅新戲《鴨王 2》剝到盡,就算冇清場一樣未驚過。雖然演出愈拍愈激,不過 Connie就堅持三點不露,仲話唔怕人戴有色眼鏡望佢:「有人望好過冇人望!」

Connie自爆影呢輯《鴨王 2》宣傳相時好辛苦, 3日都係靠食蛋白同白烚雞胸 keep住靚身形,就連水都要飲好少,最後先成功影咗呢輯 fit到漏油嘅性感相咋!

公屋基層出身的 Connie, 15歲出嚟兼職賺使費,試過派傳單,年紀細細仲做過地產經紀!喺香港大學心理學學士畢業嘅文凱玲,畢業後放棄進修,反而入行做空姐,一做長達 10年時間,最後索性辭埋份工入行!

「你都知 TVB人工有幾低!」

大學主修心理學,但第一份工竟然係空中小姐, Connie解釋說:「供自己喺外國讀書要好大嚿錢!仲有細佬妹要 support佢哋讀書,好多嘢唔只係為自己諗!而做空姐其中一個原因係人工都唔錯!」之後 Connie有意入行做演員,年屆 27歲高齡選港姐,「參選時年紀係最大嗰個,到𠵱家都仲係 record holder!我反而覺得又幾型喎!個個都係好細個先去選,大家都覺得我唔會差得過嗰啲細過我好多嘅女仔!」

可惜 8強止步,當年冠軍係陳庭欣, Connie自爆選完港姐後就俾樂易玲棄用。「記得樂小姐同我講過一句嘢,『其實你都知 TVB人工有幾低,我知你都有經濟壓力,得嗰幾千蚊一個月係 support唔到你,同埋 TVB唔係好快就可以上到位,可能捱 10年先上到一線!俾你捱到,年紀都唔細不如你試下喺出面發展喇!』雖心有不甘,但 Connie就話「塞翁失馬,焉知非福!」喎!

Connie除咗同鴨王何浩文有肉搏床戲外,當中亦有唔少意識大膽嘅場口,好似呢一幕口含巨雪茄,所以今次就唔敢叫屋企人入場支持

10年, Connie(中)以 27歲高齡參選香港小姐,同屆港姐有莊思明、陳庭欣和張秀文,最終到 8強止步。《蘋果日報》圖片

「一嗌 CUT就有好多毛巾!」

大台棄用後, Connie 14年簽約王晶公司,終於擔正《鴨王 2》女主角,截至 1月 24日票房只收 211萬。「套戲由 2B變 III級,今次性感再加動作!(清場?)冇得清㗎!相關工作人員會留喺度,唔會有人特登走入嚟睇,同埋一嗌 cut就有好多毛巾即刻俾你遮住!今次冇人露點,唔係性感上嘅 III級,而係意識上嘅 III級!其實冇人望咪仲驚!有人望,起碼有人認得你有人望好過冇人望!」

Connie雖然客串過多部電影,不過數到有發揮嘅電影,就係 14年《唐伯虎衝上雲霄》飾演秋香一角,仲有露股一幕,睇到人人㷫恰恰!

幕前經常性感演出, Connie自爆不時喺網上收到飯局邀請,雖然對方出價到百萬,不過 Connie最後都係直接請佢食檸檬,絕不行歪路喎!

採訪、撰文:娛樂組

攝影:范仲良

化妝: Cobia Cho

髮型: Tin Ngai

形象: Bryan@the Flaming

服裝: Blossom


鍾意就快D Share啦!