每逢農曆年，已退休的豬肉佬「送叔」鄧送福都會出山，炮製秘製醬汁家鄉柴火豬，吸引識途市民到屏山慕名搶購；不過，這個傳統今後或成絕響，緣於憑米芝蓮名菜「有米豬」打響名堂的連鎖中式酒樓「季季紅」，已落實入主全港唯一地爐豬工場，謝絕外來豬加工，今後市民要食柴火豬，只能幫襯大集團旗下連鎖食肆。「送叔」謂在商言商，無奈也得接受。而有受影響的燒味老店，則不滿大集團「大蝦細」，形容是為求取得獨市生意，不擇手段。記者：呂麗嬋柴火「地爐豬」是60年代的產物，港府86年後不再發牌，現時位於屯門藍地桃園圍一號的「榮興儀記」，是本港碩果僅存的地爐豬工場，專為屏山九記一類老牌燒味店代燒豬。不過，自今年農曆年開始，市民要食古法炮製的柴火豬，或只能幫襯連鎖集團。「以前係我哋買咗隻新鮮豬，醃好晒送過去工場燒，宜家佢哋要做獨市，唔肯燒都無辦法，唯有改用太空爐燒，味道梗係唔同，但都無辦法」。送叔說。同樣受影響的地區名店聯發燒味，其負責人陳先生則表示，小店開業30年，一直沿用傳統柴火燒法，燒肉皮爆花更脆口。「由全港有十幾間工場做，到今日只剩榮興儀記，宜家轉埋手，人哋大集團話要轉生意形式，只肯燒好之後賣成隻現成豬俾你，代燒唔會做。講真就算唔計價錢平貴，我哋不嬲自己買豬自己醃，風味手法唔同，豬嘅來源又唔同，佢咁講即係想自己做獨市囉！」旗下多個食肆品牌包括「季季紅風味酒家」的新煮意控股（8179）主席黃君武，承認已與工場持牌人達成「共同發展」協議，燒爐暫時只為旗下食肆服務，預計三個石爐每日約可燒製100隻金豬，農曆年期間便可應市。對於壟斷之說，他這樣回應：「都係各有各發揮，無話獨市唔獨市」。據知，有關集團月前主動接洽業主，開出逾倍租金的優厚條件，要求接手。未幾業主與原租客洽談續約，要求由二萬幾加租一倍至5萬，並需一次過簽約十年。「頭5年5萬，第6年開始10萬，唔好話十年後咩世界大家都唔知，涉及嘅金額係900幾萬，做小生意要按樓揾銀行做擔保，唔係邊有可能俾到？」知情人士說。由於地爐豬工場運作複雜，據知黃君武在接手後悉數請回舊員工，包括前老闆李權新。對於由業主「降呢」成為打工仔，新哥不欲多言，只謂：「在商言商，佢哋請番晒我哋啲老伙記，加咗啲人工，大家叫做有得繼續做，唔使失業囉」。憑米芝蓮招牌菜「有米豬」打響名堂，「他來自屯門」的黃君武，在鄉紳界甚吃得開，曾與新界王劉皇發為鄰，太太劉蘭英與發嫂又份屬「舞友」，兩家人老友鬼鬼。除了名氣大的「季季紅風味酒家」，被指為鄉事飯堂的「喜尚嘉喜酒樓」開幕當日，劉皇發和梁福元雙雙撐場，十分俾面。由經營豬肉檔搖身成為上市公司主席，黃作風低調，集團2011年創業板上市，近兩年先後收購發記甜品及米芝蓮推介小食店十八座狗仔粉。由中式酒家、甜品店到街頭小食，可謂「大小通吃」。
| 工場過去專為老店代燒豬，但隨著大集團入主，市民今後要食古法炮製的柴火豬，只能幫襯連鎖集團。 |  1954年創辦的「榮興儀記」，是本港碩果僅存的柴火地爐豬工場。 |  食燒肉大都只能分出好唔好食，但其實行內有兩種燒法，一是柴火地爐燒，一是太空爐燒。前者的爆火皮香口耐脆，被指是人間美味。 |
 工場靠老員工支撐，近年又因環保署加強檢控，艱苦經營，大集團入主，是白武士拯救還是大蝦細乘虛而入？ |  每逢農曆年，已退休的鄧送福都會出山，炮製秘製醬汁家鄉柴火豬，吸引識途市民慕名搶購，不過，今個春節或成絕響。 |  |
 由業主「降呢」成為打工仔，前老闆李權新不欲多言，只謂：「佢哋請番晒我哋啲老伙記，唔使失業囉」。 |  由豬肉檔搖身成為上市公司主席，黃君武作風低調，集團2011年創業板上市，又先後收購發記甜品及十八座狗仔粉。 |  黃君武在鄉紳界甚吃得開，旗下食肆開張，劉皇發和梁福元雙雙撐場，十分俾面。 |
|
鍾意就快D Share啦！
|
|
|